პრანდელი თამაშით კმაყოფილია

იტალიის და ესპანეთის ნაკრებებმა გუშინ დიდი ბრძოლა გამართეს, მაგრამ გოლი არ გავიდა, მიუხედავად იმისა, რომ იტალიის ნაკრებს 3-4-ჯერ შეეძლო გოლის გატანა კასილიასმა დამაჯერებლად ითამაშა, ხოლო 0:0-ის შემდეგ პენალტების სერიაში ესპანეთმა 7:6 გაიმარჯვა და ერთადერთი პენალტი ლეონარდო ბონუჩიმ – “იუვენტუსის” მოთამაშემ კარს ააცილა. “ესპანეელებს ძალიან ძლიერი ნაკრები ჰყავთ და ალბათ ბევრისთვის მოსალოდნელი შედეგი დაფიქსირდა. ძალიან კარგი მატჩი ჩავატარეთ, აქ დიდი ბრძოლა გაიმართა. ვიცოდით თუ რა უნდა გვეკეთებინა ტაქტიკურად, ამიტომ ესპანელებს ამ გათამაშებაში ყველაზე დიდი პრობლემები ჩვენ შევუქმენით. ზუსტად ისე ვითამაშეთ როგორც გვინდოდა, რომ გვეთამაშა. პირველი ტაიმი იყო უნაკლო, ესპანელები მომენტებს ვერ ქმნიდნენ, ხოლო ჩვენ მომენტს-მომენტზე ვიღებდით, შემდეგ კი არ გაგვიმართლა და ცოტა მოვეშვით. ჩემს ბიჭებს ვულოცავ, მიუხედავად იმისა, რომ წავაგეთ, ჩვენ პატივისცემა დავიმსახურეთ. ჩვენ მსოფლიოში ერთ-ერთი საუკეთესოები ვართ. ყველა ჩვენ გვაკრიტიკებდა, მაგრამ იტალიელი ფეხბურთელები მაშინ არიან საშიში, როცა ყველას განწირული ჰგონია. არ ვიცი რა მოხდება მესამე ადგილისთვის ბრძოლაში ურუგვაისთან, მაგრამ წინ დიდი დაპირისპირება გველის. “მუნდიალი 2014″? არ ვიცი რა გიპასუხოთ, უბრალოდ ვიტყვი, რომ ვშრომობთ და ვიბრძვით ყველა მატჩში.”-აცხადებს იტალიის ნაკრების მწვრთნელი.

წყარო : Football Italia