სატრანსფერო ციებ ცხელება

ალექსანდრ კოლაროვი , სტეფან იოვეტიჩი და ანჟელო ოგბონა – უახლოეს პერიოდში შესაძლოა სამივე მათგანმა მოირგოს შავ თეთრი მაისური . როგორც ჩანს პირველი მათგანი კოლაროვი იქნება , რომელმაც უკვე არა ერთხელ დააფიქსირა საკუთარი სურვილი , კარიერის ტურინში გაგრძელებაზე . პირველი წინადადება სიტიმ იტალიელებისგან უარყო , რომელიც მიზნად ისახავდა არენდას , აუცილებელი გამოსყიდვით ერთი წლის შემდეგ . ბრიტანელებს სურთ უკვე ამ სატრანსფერო ფანჯარაში სრულად შეელიოს მარცხენა მცველს . ისინი ლაციოს ექს ფეხბურთელის სანაცვლოდ 7 მილიონ ევროს ითხოვენ , მაშინ როდესაც ტურინელები 6 ზე არიან თანახმა .

რაც შეეხება სტეფან იოვეტიჩს . გაჩნდა ინფორმაცია , რომ ნაპოლი ედისონ კავანის შემცვლელად სწორედ ჩერნოგორიელს განიხილავს . მაგრამ თავად იოვეტიჩს არანაირი სხვა კლუბის გაგონება გარდა ” იუვენტუსისა ” არ სურს . მას აქვს უკვე შეთანხმება მიღწეული კლუბთან პირად კონტრაქტზე და ჯერი უკვე კლუბებს შორის მოლაპარაკებაზეა . მიუხედავად იმისა , რომ მაროტა ჯიუტად უარყოფს კიდევ ერთი ფორვარდის მოყვანას ტევესის ტრანსფერის შემდეგ , ფიორენტინა და ბიანკონერი მაინც დახურავენ ამ გარიგებას . სტეფანს პლიუს ამასთან არაფრის მოსმენა არ სურს იებთან ახალი ხელშეკრულების თაობაზე , ამიტომ მისი წასვლა გადაწყვეტილია და ჯერი კონტეზეა …

შესყიდვებთან ერთად , ტურინელები გაყიდვებზეც ზრუნავენ . უახლოეს პერიოდში გახილება დე ჩელიეს , ფელიპე მელოს და რეტო ციგლერის გასხვისება . პირველს საკმაოდ ბევრი მსურველი ჰყავს ბრიტანეთში და სავარაუდოდ იუვეს პრიმავერას აღზრდილი კარიერას პრემიერ ლიგაში განაგრძობს . ფელიპე მელოს გამოსყიდვას კი გალათასარაი 5 მილიონ ევროდ გეგმავს , ხოლო მეორე თურქული კლუბი ბეშიქთაში 4 მილიონ ევროდ რეტო ციგლერს შეიძენს .

ჭორები მირკო ვუჩინიჩის თაობაზე ჭორადვე დარჩა . მოარული ხმების თანახმად მას ზენიტი ეპატიჟებოდა და 18 მილიონ ევროსაც იხდიდა . თითქოს რუსებმა ყველაფერი შეათანხმეს მირკოს აგენტთან და მზად იყვნენ ფეხბურთელისთვის წლიურად 4  მილიონი ევრო და პლიუს ბონუსები მიეცათ . მაგრამ ტურინს არაფრის მოსმენა არ სურს ამ თემასთან დაკავშირებით , მიუხედავად იმისა არის თუ არა ეს რეალობა . იუვენტუსი არ აპირებს ვუჩინიჩის გაყიდვას .

წყარო : Tuttosport, Calcionews24, Tuttojuve