ოგბონა : ” მხოლოდ ” იუვენტუსში ” მსურდა ასპარეზობა ”
” ყოველთვის ვუყურებ დღევანდელ დღეს და მომავალს და ნამდვილად არ მიმაჩნია საკუთარი თავი გამყიდველად . ფეხბურთელები პირველ რიგში პროფესიონალები არიან . ჩემი გული სწორედ მას ეკუთვნის , სპორტის ისეთ სახეობას , რომელსაც მთელს მსოფლიოში თამაშობენ . ვფიქრობ , თითოეულ ფეხბურთელს სურს მაღალ დონეზე ასპარეზობა და ამ მხრივ გამონაკლისი ნამდვილად არ ვარ . ჩემი გადაწყვეტილება არა გამყიდველი ადამიანისას ჰგავს , არამედ სპორტსმენისას , რომელიც ამბიციურია . დერბი ? რთული დაპირისპირება იქნება , მაგრამ თავსატეხებს არასოდეს გავურბოდი . სიმართლეს გეტყვით და რეალურად მხოლოდ ” იუვენტუსში ” მსურდა კარიერის გაგრძელება . საერთოდ არც კი განვიხილავდი სხვა კლუბების შემოთავაზებას , რადგან დღეისათვის მე იტალიის საუკეთესო და მსოფლიოს ყველა დროის ერთ ერთ საუკეთესო გუნდში ვირიცხები . ეს იყო საშუალება , რომელზედაც უარს არასოდეს ვიტყოდი . პრანდელისთან ჯერ ჯერობით მართალია არ მისაუბრია , მაგრამ არ მაშინებს ის ფაქტი , რომ შეიძლება გამოვტოვო მსოფლიოს 2014 წლის ჩემპიონატი , მაგრამ ამის გამო იუვენტუსში გადასვლაზე უარს არ ვიტყოდი . რეალისტი ვარ და ვაცნობიერებ , რომ პირველივე წამებიდან შესაძლოა არ ვიყო ძირითადი შემადგენლობის წევრი . უმჯობესია მოვითმინოთ და ერთად შევხედოთ მოვლენების განვითარებას ” – განაცხადა ანჟელო ოგბონამ .
წყარო : Football Italia
მაგარი მცველია და ამაში ბევრი დარწმუნდება მთავარია მწვრთნელს დაუჯეროს და ბევრი იშრომოს.