დე ლაურენტისი: ” არ მინდა ზუნიგამ “ნაპოლი” დატოვოს “

ხუან კამილო ზუნიგას მომავალი დღემდე გაურკვეველი რჩება. ფეხბურთელის შეძენით ერთდროულად ორი იტალიური გრანდი, “ინტერი” და “იუვენტუსი” ინტერესდებიან, თუმცა “ნაპოლის” პრეზიდენტი აურელიო დე ლაურენტისი კოლუმბიელის შენარჩუნებას აპირებს და ის ბენიტესის გუნდის ნაწილად მიაჩნია: “ზუნიგას ახალი კონტრაქტი გავაცანით, თუმცა ერთი პრობლემაა და ეს მისი აგენტია – ის თვლის რომ თანამედროვე მსოფლიო ფეხბურთის გენიოსია. კონტრაქტის გახანგრძლივება ჯერ კიდევ სამი წლის წინ შევთავაზე, იგივე გავაკეთე ორი წლის წინაც, გასულ წელსაც და აი ახლაც ვთავაზობ ახალ ხელშეკრულებას. მისი გაყიდვით მიღებული თანხით ძლიერ ფეხბურთელს შევიძენდით, თუმცა ზუნიგა ძალიან მიყვარს და მინდა, რომ ჩვენთან დარჩეს. ვერ ვხვდები, ზოგჯერ, ფეხბურთელები საკუთარი აგენტების მსხვერპლები რატომ ხდებიან. ” -აცხადებს დე ლაურენტისი.

წყარო: tuttojuve