სატრანსფერო ციებ ცხელება

ბიანკონერის იტალიელი ფორვარდი ფაბიო კუალიარელა , საკმაოდ დიდი პოპულარობით სარგებლობს ნისლიან ალბიონზე . რამდენიმე კვირის წინ მისით ნორვიჩი ინტერესდებოდა და 10 მილიონ ევროსაც იხდიდა ექს ნეაპოლიტანელში . გუშინ კი პრესაში გაჩნდა ინფორმაცია , რომ რადარზე ” ვესტ ჰემი ” გამოჩნდა და არც თავად კუალიარელაა ლონდონში გადაბარგების წინააღმდეგი . ეს რაც შეეხებოდა შესაძლო გასხვისებას , ეხლა კი ჯერი შესყიდვებზეა . Tuttosport – ის მტკიცებით მაროტა ვიქტორ იბარბოს ტრანსფერს განიხილავს . კოლუმბიელის შესაძლო ტრანსფერი კონტემ უკვე მოიწონა . ანტონიოს მასში მოსწონს ერთი ერთზე თამაშის და სისწრაფის მახასიათებლები . Gazzetta Dello Sport – ი კი სენსაციურ ინფორმაციას ავრცელებს და ალექსანდრ  კოლაროვს უკვე იუვენტინოდ მოიაზრებს . სერბი ტურინში არენდის წესით იასპარეზებს , ხოლო სეზონის დასრულების შემდგომ მაროტას მისი გამოსყიდვის სრული უფლება ექნება . SportCafe24 არ ჩამორჩება გავლენიან იტალიურ წყაროს და თავის მხრივ არანაკლებ სასიამოვნო ინფორმაციას ავრცელებს ბიანკონერის ტიფოზებისთვის . გასულ კვირას , იუვენტუსის მმართველები ესპანეთში იმყოფებოდნენ და მოლაპარაკებებს აწარმოებდნენ ალექსის სანჩესთან . მათ მიაღწიეს პრინციპულ შეთანხმებას ხელფასის კუთხით . წლიურად ჩილელი 5.5 მილიონ ევროს მიიღებს . ეხლა ჯერი უკვე კლუბებზეა .