ინტერვიუ მასიმო პავანოსთან

TuttoJuve.com – ის მთავარმა რედაქტორმა , ტურინის ” იუვენტუსის ” სატრანსფერო სტრატეგიაზე და მომავალ შესაძლო ოპერაციებზე ისაუბრა .

ესაჭიროება თუ არა გუნდს ალექსის სანჩესის დამატება , სატრანსფერო ფანჯრის მიწურულს ?

” სანჩესი რომ ტურინელებს ესიმპატიურებათ , ამაში ახალი არაფერია . ჩილელი უდაოდ საინტერესო ფიგურაა , მაგრამ მანამ სანამ ვინმეს დამატებაზე იფიქრებდნენ აუცილებელია საკუთარ მოთამაშეებს შეელიონ . ისე კი , აგვისტოს შუა რიცხვებში როდესაც ალექსისი უბრალოდ ვერ ნახავს საკუთარ თავს კატალონიაში , უკვე შეგვეძლება ტრანსფერზე საუბარი . გავითვალისწინოთ ის გარემოებაც , რომ ფალიჩევიჩი , რომელიც სანჩესის აგენტია , იუვენტუსთან ფრიად დაახლოებული პიროვნებაა ” .

სათამაშო მოდულზე რა კომენტარს გააკეთებ ? 4-3-3 თუ 3-4-3 ?

” იცით , წინასასეზონო შეკრებაზე ყოფნისას კონტემ არა ერთხელ განაცხადა , რომ ვერ ხედავს მიზეზს თუ რატომ უნდა შეცვალოს ტაქტიკური მონახაზი . მიუხედავად ამისა ველით სულმოუთქმენლად პეპეს გამოჯანმრთელებას და ახალი ფლანგელი მოთამაშეების მოსვლას ტურინში ” .

როგორ ფიქრობ , უფრო მეტად მაინც რომელი ფორვარდი დატოვებს ” იუვენტუსს ” – მატრი თუ კუალიარელა ?

” ალესანდრო კონტეს გეგმებში 100 % – ით შედის , ამაში ეჭვიც კი არ მეპარება . დღეისათვის არსებული სიტუაციის გათვალისწინებით კი კუალიარელა უფრო ნაკლება და ვფიქრობ , სწორედ იგი დატოვებს კლუბს ” .

ჯიოვინკო ?

” აი მისი გასხვისება კი სერიოზულ პრობლემებთან არის დაკავშირებული , რადგან მაროტამ ზუსტად ერთი წლის უკან იგი 11 მილიონ ევროდ დაიმატა . თავად აგენტიც გამორიცხავს მოვლენების ასეთი გზით განვითარებას და უფრო მეტიც , მომდევნო სეზონს ჯიოვინკოს წლად ნათლავს ” .

არის თუ არა ჯუზეპე მაროტა იმ ტიპის გენერალური დირექტორი , რომელთან ერთადაც შეიძლება გახდე საუკეთესო ევროპაში ?

” არა ოფიციალურ ფორმაში ვესაუბრე რამდენიმე დღის წინ და მინდა დაგარწმუნოთ , ეს არის ის ადამიანი რომელიც კლუბს ესაჭიროება . მოდით რეალობას შევხედოთ , მსოფლიოში დღეისათვის არა ერთი გიგანტია , რომელთაც თავისუფლად ძალუძთ დახარჯონ სატრანსფერო ბაზარზე 40-50 მილიონი ევრო და ასეთ პირობებში გახდე საუკეთესო ევროპაში რა თქმა უნდა ურთულესია . მაროტას საკუთარი ხედვები და იდეები აქვს სატრანსფერო ბაზარზე ” .

ჰორიზონტზე ვერატის ფიგურა გამოჩნდა … რამდენად აქვს ტურინს მისი დამატების შანსი ?

” ნაკლებად მოსალოდნელი ტრანსფერია , რადგან იუვეს ამ ეტაპზე 20 მილიონი ევრო არ გააჩნია . ამ ოპერაციის განხორციელება რთული იქნება და ამიტომ ვფიქრობ მარკო კარიერას ესპანეთში განაგრძობს , მაგრამ არ შეიძლება ნაპოლის და ფიორენტინას დავიწყებაც ” .

ნანი ?

” იგი სავარაუდოდ მონაკოში გააგრძელებს თავგადასავალს , რადგან დღეისათვის ყველა პორტუგალიელი სწორედ ამ მიმართულებით მიიწევს ” .

მარცხენა ფლანგზე რა ხდება არის რაიმე სიახლე ?

” ველოდებით ორშაბათს , როდესაც განხორციელდება შეხვედრა მაროტასა და დე ლაურენტის შორის ზუგინას თაობაზე . თუ შეთანხმება არ შესდგება მაშინ პრიორიტეტული კოლაროვის დამატება იქნება ” .