კონტე : ” ჩვენ განვაგრძობთ პროგრესირებას ”

ისინი ვინც ფიქრობენ , რომ ორმა სკუდეტომ ” იუვენტუს ” გამარჯვებების წყურვილი დაუკარგა ძალზედ სცდება . ესეთი ადამიანები არ იცნობენ არც გუნდს და არც მის ამჟამინდელ თავკაცს ანტონიო კონტეს . ახალგაზრდა სპეციალისტის თვალებში ისევ ჩანს გამარჯვებების მოპოვების დაუოკებელი წყურვილი , ისევე როგორც ფეხბურთელებში …

” პირველ ჯგუფთან მუშაობისას შატილიონში , დამხვდა საკმაოდ კარგი სიტუაცია . მოთამაშეები ჩინებულ ფიზიკურ კონდიციებში იმყოფებოდნენ , მიუხედავად იმისა რომ მათ 50 დღიანი შვებულება ჰქონდათ . ეს კიდევ ერთხელ ადასტურებს თუ რაოდენ დიდ პროფესიონალებთან მიწევს მუშაობა . დღეისათვის ჩვენ ნაკრების მოთამაშეებიც შემოგვიერთდნენ , რომლებმაც მართალია ნაკლები დაისვენეს თუმცა შევახსენე შარშანდელი სეზონის მიწურული , როდესაც სკუდეტოს მოპოვების შემდგომ მნიშვნელოვნად შეამცირეს სათამაშო ტემპი . ბევრს ველი იმათგან ვინც უკანასკნელ ორ წელიწადში წერდა იუვენტუსის ისტორიას , სწორედ მათ უნდა წაიყვანონ გამარჯვებებისკენ ახლად მოსულები ” .

” წავიკითხე რა ბუფონის ერთ ერთი უკანასკნელი ინტერვიუ , ფრიად ნასიამოვნები ვიყავი მისი სიტყვებით . კარგია რომ კაპიტანს ახსოვს თუ რა შრომის ფასად იყო მიღწეული გასული გამარჯვებები და მისი სიფრთხილე მომავალთან ბუნებრივია . მოტივაცია არ უნდა გაქრეს , პირიქით აუცილებელია იმავე გზაზე მოძრაობა და ახალი მიზნების დასახვა . თუ რომელიმე გადაწყვიტავს , რომ ეს მისი მაქსიმუმია და კმაყოფილია მიღწეულით , მაშინ სერიოზულად დამიპირისპირდება მეც და კლუბის ფილოსოფიასაც . არ გვაქვს უფლება ვიფიქროთ , რომ გამარჯვება მუდმივად შეუძლებელია , ეს ერთადერთია რისთვისაც არსებობს ” იუვენტუსი ”  ” .

” ფასეულობები იცვლება , კლუბები ვითარდებიან , ძლიერდებიან და უფრო მეტად კონკურენტუნარიანები ხდებიან . არიან ” იუვენტუსი ”  , ” მილანი ” და ” ინტერი ” – გუნდები რომელთაც ისტორია იძულებულს ხდის მუდამ გამარჯვებებზე იყვნენ ორიენტირებულნი . არის კიდევ ნაპოლი , რომელიც გამორჩეული სპეციალისტით გაძლიერდა და ხმაურიანი ტრანსფერები განახორციელა . ფიორენტინა გომესით და როსით რეალურად იბრძოლებს გამარჯვებისთვის . ლაციომ უფრო მეტად გააფართოვა შემადგენლობა და ტაქტიკური კუთხით ყველასათვის უხერხული მეტოქეა ” .

” ტევესი ? ის დამჯერი შეგირდია და მიუხედავად იმისა , რომ ჯერ ჯერობით უჭირს ადაპტაცია ფიზიკური დატვირთვების კუთხით , მსიამოვნებს იმის ხილვა თუ როგორ მომენტალურად ჩაებნენ საქმეში ტევესიც , ლორენტეც და ოგბონაც . მათ შეიცნეს ” იუვენტუსის ” სულისკვეთება . მათი მოსვლით და პლიუს კიდევ პოგბას საუცხოო პროგრესით , ჩვენ აბსოლიტურად ყველა ზონაში შევქმენით კონკურენტუნარიანი სიტუაცია . კლუბში მინდა დაგარწმუნოთ რომ იერარქიას არა აქვს ადგილი . დიახ, პრესაში შემადგენლობის დაწერისას ყოველთვის ახლად მოსულებს პირველ პლანზე მოიხსენიებენ , მაგრამ ჩემმა შეგირდებმა ყველაზე კარგად იციან თუ რას ვანიჭებ უპირატესობას მე . იასპარეზებს ის , ვინც უკეთეს ფორმაში იქნება და წვრთნების დროს ყველაზე კარგად წარმოაჩენს თავს . არ გამაჩნია ანტიპატია და გამორჩეული სიმპატია ვინმეს მიმართ , მომწონს ის ვინც მეხმარება გამარჯვებების მოპოვებაში ” . 

” განვითარება და გამარჯვება , ორი სხვადასხვა მცნებაა . ინტერი ავიღოთ მაგალითად , რომელმაც ტრიპლეტი გააკეთა თუმცა იმის შემდგომ სად არის თქვენ თვითონაც კარგად ხედავთ . არ ვიცი გავიმარჯვებთ თუ არა წლევანდელ სეზონში , მაგრამ ფინანსური და გუნდური კუთხით უფრო მეტად ძლიერები რომ გავხვდებით ეს ფაქტია . გაცილებით ნაკლები დავხარჯეთ ვიდრე იმ კლუბებმა , რომლებიც უკვე არა ერთხელ ჩამოვთვალეთ . ჩვენ ეტაპობრივად მივდივართ იმ პოზიციამდე , როდესაც შეგვძლება მათნაირად დიდი თანხების ჩადება სხვადასხვა ოპერაციებში . ისე ამ მხრივ მოახლოებული სეზონი მნიშვნელოვანია , რადგან ჩადებული ინვესტიციები უნდა დაგვიბრუნდეს ” .

” უკანასკნელ სამ წელიწადში დიდი სამუშაო იყო ჩადებული და ეს ყოველივე ჭკვიანური სვლების შედეგია . პირველ სეზონში სკუდეტო მოვიპოვეთ ისე , რომ შემადგენლობაში 8 ფეხბურთელი ირიცხებოდა იმ გუნდიდან , რომელიც ზედიზედ ორჯერ მეშვიდე პოზიციას არ აცილებულა . მათ დავუმატეთ ლიხტშტაინერი და ვუჩინიჩი … უფასოდ პირლო და ვიდალი , რომელშიდაც 9 მილიონი ევროა გადახდილი . ჩემს პერიოდში დიდი ინვესტიციები მართლაც არ განხორციელებულა . ვინც საპირისპიროს ამტკიცებს , უმჯობესია საკუთარ თავზე ზრუნავდეს , შესაძლოა ისინი ამით თავს ახსენებენ ყველას ან თავს იმართლებენ ეკონომიური კრიზისის შექმნაში ” .

” ჩვენი სათამაშო ფილოსოფია არის ბურთის კონტროლი , პროდუქტიული მანევრირებები , ბალანსი ზონებს შორის და აგრესიული პრესინგი . ამ ყოველივემ მოგვცა საშუალება ორი სეზონის განმავლობაში დომინირება მოგვეხდინა კალჩოში . მიუხედავად სხვადასხვა სტატისტიკისა , პრინციპები არ უნდა შეიცვალოს . ვცდილობთ ჩვენი ფეხბურთელების საუკეთესო თვისებები კლუბისთვის პროდუქტიულად და ეფექტურად გამოვიყენოთ ” .

წყარო : ტურინის ” იუვენტუსის ” ოფიციალური ვებ გვერდი