სატრანსფერო ციებ ცხელება

ტურინის ” იუვენტუსი ” და ნეაპოლიტანური ” ნაპოლი ” განაგრძობენ მოლაპარაკებებს ალესანდრო მატრისა და ხუან კამილო ცუნიგას ბარტერზე . Libero – ს მტკიცებით მხარეები ფინანსურ დეტალებს აგვარებენ . ბიანკონერის ფორვარდი 15 მილიონი ევროთი ფასდება , მაშინ როდესაც ცუნიგას ეწურება მოქმედი კონტრაქტი ნეაპოლიტანელებთან და ამიტომ მისი ფასი 4 მილიონ ევრომდე ეცემა . დე ლაურენტისი მზად არის 8 მილიონი ევრო დაუმატოს მაროტას ცუნიგასთან ერთად , რაც ჯამში მატრის სანაცვლოდ 12 მილიონ ევროს უდრის . ეს წინადადება კი ტურინელთათვის მისაღებია .

Corriere Dello Sport – ის ინფორმაციით , ფაბიო კუალიარელა კარიერას სავარაუდოდ ” სანდერლენდში ” განაგრძობს . ამასთანავე მაროტა ელოდება ინფორმაციას ნეაპოლიტანელებისგან ცუნიგას საკითხზე , თუმცა პარალელურად მიმდინარეობს მოლაპარაკებები სიტისთან კოლაროვის თაობაზე . სახსრები რომელიც ბიანკონერის ორი ფორვარდის ( მატრი – კუალიარელას ) გასხვისებისგან განჩნდება , მოხმარდება ფლანგების გაძლიერებას .

Gazzetta Dello Sport ის მტკიცებით პაოლო დი კანიოს კიდევ ორი იუვენტინო სურს ” სანდერლენდში ” . ემანუელე ჯიაკერინის დამატების შემდგომ მის ინტერესთან სფეროში ფედერიკო პელუზო და პაოლო დე ჩელიე მოხვდნენ .

TalkSport.com – ი იტყობინება , რომ ევერტონი არ ყრის ფარ ხმალს და ახალ წინადადებას ამზადებს ლუკა მარონესთვის . შეგახსენებთ ტურინელებმა ბრიტანელებს პირველ წინადადებაზე უარი განაცხადეს . პრემიერ ლიგის ბინადრებს არენდით სურდათ მისი აყვანა . ახალი წინადადება კი შემდეგნაირად გამოიყურება – 8.5 მილიონი ევრო იტალიელი ნახევარმცველის სანაცვლოდ .