ვინ შეუტევს “კოფენჰაგენს”?

სამშაბათს, 17 სექტემბერს “ჩემპიონთა ლიგა” აიღებს სტარტს, ამ ელიტური ჩემპიონატის ერთ-ერთი უმთავრესი მონაწილე ტურინის “იუვენტუსი” გახლავთ, რომელიც პირველივე დღეს “კოფენჰაგენს” დაუპირისპირდება. კონტეს გუნდი უკვე დანიაშია, მაგრამ ჩნდება კითხვა : ვინ შეუტევს “კოფენჰაგენს”? შეტევაზე ამხელა აქცენტის გაკეთება მხოლოდ იმას ნიშნავს, რომ ანტონიო კონტეს ძალიან დიდი არჩევანი აქვს, ამჟამად გუნდში 5 ფორვარდი ირიცხება : სებასტიან ჯიოვინკო, ფაბიო კუალიარელა, (ორივე იტალია); კარლოშ ტევესი (არგენტინა); ფერნანდო ლორენტე (ესპანეთი) და მირკო ვუჩინიჩი (ჩერნოგორია). “ტიპიური ცხრიანი” ამ 5 ფორვარდიდან მხოლოდ ფერნანდო ლორენტეა, რომლის ბრწყინვალე დებიუტი ჯერ არ ყოფილა, ბასკს ჯერ გოლი არ გაუტანია, მისი ძირითადში მოხვედრის შანსები ძალიან მცირეა, მაგრამ შეიძლება იტალიელმა სპეციალისტმა მას მეორე შანსი მისცეს. საკმაოდ დიდად განსხვავდება ტევესის შედეგები ლორენტეს შედეგებისგან : არგენტინელს ძირითადში მოხვედრის ყველაზე დიდი შანსი აქვს და მისი შანსები ძალიან დიდია, მოთამაშემ 5 მატჩში 4 გოლი გაიტანა. რაც შეეხება სებასტიან ჯიოვინკოს, იტალიელს წინა სეზონისგან განსხვავებით ამ სეზონში შანსი არ მიუღია, თუ არ ჩავთვლით 2 წუთიან შანსს, რომელზეც “ატომურმა ჭიანჭველამ” მოედანზე ზუსტად 2 წუთი გაატარა. მოთამაშემ წინა სეზონი ასე თუ ისე კარგად ჩაატარა. მირკო ვუჩინიჩმა კი 4 მატჩში 1 გოლი გაიტანა და 1 ასისტიც გააკეთა, მაგრამ ფანები ჩერნოგორიელის უკმაყოფილო არიან. ფაბიო კუალიარელა კი 2 მატჩში 2-ჯერ შემოვიდა და მხოლოდ 28 წუთი დაჰყო მოედანზე ამიტომ, უნდა ველოდოთ მის თამაშსაც. საერთო ჯამში დიდი ვარაუდით დანიურ გუნდს ტევესი-კუალიარელა ან ტევესი-ვუჩინიჩი შეუტევს. ტევესის განცხადებით ის ყველა ფორვარდთან მშვენიერ ტანდემს ქმნის, მაგრამ მირკო ვუჩინიჩს ყველაზე კარგად ეწყობა. ისიც უნდა იქნეს გათვალისწინებული, რომ მირკო ვუჩინიჩს ტრამვა ახალი მოშუშებული აქვს და შეიძლება კონტემ არ გარისკოს, მისმა თამაშმა “ინტერთანაც” უარყოფითი შედეგი გამოიღო.