კონტე : ” ფეხბურთში ყველაფერი ხდება ”

” შევძელით ურთულეს შეხვედრაში გარდატეხის შეტანა , რომელშიც თავიდანვე არ წაგვივიდა თამაში ინდივიდუალური შეცდომის გამო . ნებისმიერ შეიძლება დაემართოს იგივე . საერთოდაც საშინელებაა , როდესაც 87 წუთზე იტან ბურთს და მომენტალურად ისევ უშვებ . ამ ყოველივეს ხშირად ნამდვილად ვერ იხილავ , მაგრამ ეს ფეხბურთია . ყველა ღონე ვიხმარეთ სიტუაციის გამოსასწორებლად , მაგრამ თუ გვსურს მომდევნო ეტაპზე ასპარეზობა , მადრიდელებთან მაქსიმუმის მაქსიმუმი უნდა გავიღოთ . წინააღმდეგ შემთხვევაში გამოდის , რომ მეტოქე ჩვენზე მეტად იმსახურებს და მოგვიწევს ქედის მოხვრა მათ წინაშე . ტაქტიკა ? უპირატესობას ვანიჭებ მოთამაშეებთან გავარკვიო ეს საკითხი და არა ტელევიზიის წარმომადგენლებთან . როდესაც ანალიზს ვუკეთებთ თითოეულ შეხვედრას , ზუსტად იქ ჩანს რა გავაკეთეთ კარგად და რა პირიქით , ცუდად . შემიძლია გარკვეული კორექტივებები შევიტანო უშუალოდ მატჩის დროს , რითაც მეტოქეს დისკომფორტს შევუქმნი , მაგრამ ჩვენი ტაქტიკა 3-5-2 ია . შემადგენლობაში მყავს მხოლოდ სიმონე პეპე , რომელსაც ძალუძს 4-3-3 მოდულთან ადაპტირება , სხვა შემთხვევაში კი უბრალოდ ვარჩევ საუკეთესოს რათა ხელთ არსებულ ფეხბურთელს მეტი კომფორტი შევუქმნა . ვეჭვობ ლიხტშტაინერის და ისლას გამოყენება 4-3-3 ში ვინგერებად არ იქნებოდა გამართლებული , რადგან პეპე ტრავმირებულია არ რჩება უბრალოდ ფლანგელი რომელიც პროდუქტიულად იმოქმედებდა შეტევაში . შემადგენლობაში ხუთი ფორვარდი ირიცხება და ყოველი მათგანი გრძნობს საკუთარი სტატუსის მნიშვნელობას . რა გადაწყვეტილებაც არ უნდა მივიღო საზოგადოება მუდმივად უკმაყოფილო იქნება იმ მოთამაშით , რომელიც სათადარიგოზე დარჩა , რას ვიზამთ ყველას ერთდროულად ვერ მივცემ თავის გამოჩენის საშუალებას . ლიხტშტაინერს და ვუჩინიჩს კუნთის პრობლემები აწუხებთ , თუმცა უფრო დეტალური ინფორმაციისთვის უმჯობესია ხვალამდე მოვიცადოთ და იმედი ვიქონიოთ , რომ სერიოზულია არაფერია ” – განაცხადა ” გალათასარაისთან ” დასრულებული მატჩის შემდგომ ანტონიო კონტემ .

წყარო : Tuttosport