კონტე : ” უნდა დავამტკიცოთ , რომ ვიმსახურებთ აქ ყოფნას ”

ანტონიო კონტე დარწმუნებულია , რომ მის გუნდს არ ექნება ფსიქოლოგიური პრობლემები ” რეალთან ” დაპირისპირებისას : ” ეს მატჩი უაღრესად დიდ მოტივაციას გვძენს . ის რაც ფლორენციაში მოხდა , გამაოგნებელია თუმცა ეპიზოდურად ფეხბურთში ასეთი რამეები ხდება . ციფრების მიხედვით , რომ ვიმსჯელოთ გუნდმა კარგი შეხვედრა გამართა . ბერნაბეუზე ჩვენ მსოფლიოში ერთ ერთ ყველაზე ტიტულოვან კლუბს დავუპირისპირდებით . სწორედ ამ თამაში შევიგრძნობთ თუ რას ნიშნავს , როდესაც 90 წუთის მანძილზე მეტოქე შენზე ზეწოლას ახდენს , პლიუს ამასთან არც ჩვენ ვიქნებით უსაქმოდ და არა ერთ თავსატეხს გავუჩენთ მათ . დიდი პატივისცემა გვაქვს რეალის მიმართ , მაგრამ ნამდვილად არ გვეშინია ესპანელების . მოედანზე გავალთ იმ განცდით , რომ შეგვწევს ძალა ნებისმიერი დადებითი შედეგის მისაღწევად . ბუნებრივია უაღრესად გაგვიჭირდება , მაგრამ ეს დამატებითი მოტივირებაა , რომ ყველაფერი გავიღოთ რაც შეგვიძლია . ამ შეხვედრის შედეგ წავაგებთ თუ მოვიგებთ , მაინც და მაინც არაფერი გადაწყდება , რადგან წინ კიდევ სამი მატჩი იქნება ჩასატარებელი  ” …

” უნდა დავამტკიცოთ , რომ შეგვიძლია ასეთ ტუნირზე სათანადო დონეზე ასპარეზობა . კარლოს წინაშე კი ქედს ვიხრი , მასთან ერთად მუშაობა ” იუვენტუსში ” ერთი სიამოვნება იყო ” .

” ტევესი ძალზედ კარგ შთაბეჭდილებას ტოვებს . ის ყველას აძლევს მაგალითს თუ როგორ მიუდგეს მაღალი კლასის პროფესიონალი საკუთარ საქმეს . ფერნანდო  ლორენტე კარგ ფორმაში იმყოფება და მე მაქვს მისი იმედი , ისევე როგორც დანარჩენი მოთამაშეების . საბოლოო გადაწყვეტილებას თამაშის დაწყებამდე მივიღებ . ბუფონი გამარჯვებულია როგორც მოთამაშე და როგორც ადამიანი . ის ჩემთვის არის წარმატების გარანტია და ყოველთვის ასეთად დარჩება ” .

წყარო : Football-Italia