ვიდალი : “ძალიან ბედნიერი ვარ”

ახალი კონტრაქტის გაფორმების შემდეგ, არტურო ვიდალმა Sky Sport – ს საკმაოდ ვრცელი ინტერვიუ მისცა : “ძალიან ბედნიერი ვარ, ტურინში კიდევ ოთხი წელი ვრჩები.კონტრაქტის გახანგრძლივება ჩემთვის და ჩემი ოჯახისთვის ძალიან მნიშვნელოვანი დეტალია.იყო “იუვენტუსის” ფეხბურთელი” – დიდი ოცნებაა, ეს მსოფლიოს ერთ-ერთი უძლიერესი კლუბია, აქ თავს ისე ვგრძნობ, როგორც ოჯახში.მოხარული ვარ, რომ არჩევანი სწორედ ბებერ ქალბატონზე შევაჩერე, მადლობას ვუხდი კლუბს, ხელმძღვანელობას და ტიფოზებს.სხვა კლუბების ინტერესი ? – რატომაც არა, მაგრამ ბევრჯერ მითქვამს და კიდევ ვიმეორებ, თავს “იუვენტუსში” იდეალურად ვგრძნობ და მთავარი სწორედ ესაა.გასახდელში ოჯახური ატმოსფეროა, სახლიდან წასვლა კი, არავის სურს.

არტურო იმ დღეებს იხსენებს, როცა “იუვენტუსის” ინტერესს სერიოზული სახე მიეცა : “კარგად მახსოვს ჩემი აგენტის ზარი, რომელმაც მითხრა, რომ ჩემით რამდენიმე ევროპული გრანდი ინტერესდებოდა, მათ რიცხვში იყო “იუვენტუსიც”, ეს გავიგე თუ არა, თანხმობა განვუცხადე და ვთხოვე, მოლაპარაკებები მაქსიმალურად დაეჩქარებინა, რადგან ეს იყო ჩემი ოცნების კლუბი.შესანიშნავად მახსოვს პირველი დღეები ტურინში.თავიდან მოედანზე იშვიათად გამოვდიოდი, რადგან მჭირდებოდა ადაპტაცია იტალიასთან და აქაურ ფეხბურთთან, მაგრამ პირველივე მატჩში, “პარმას” წინააღმდეგ მივხვდი, რომ აქ საკუთარ თავს ვიპოვიდი.”

ვრცელდებოდა ინფორმაცია, რომ ათი ნომრის რეალური კანდიდატი სწორედ ჩილელი ნახევარმცველი იყო : “ამ ნომერს და მაისურს უდიდეს პატივს ვცემ, იგი ალესანდრო დელ პიეროს სახელს ატარებს.ათი ნომერი ჩვენთან კარლოს ტევესია, თუმცა ლეგენდარული “ათიანი”, მუდამ ალე იქნება.”

წყარო : Tuttosport