სატრანსფერო ჭორები და სიახლეები

მილანის “ინტერის” მიერ მოლაპარაკებების დასკვნით ეტაპზე შეჩერებამ უკმაყოფილება ორივე მხარეში გამოიწვია.ჯერ ერთი, მირკო ვუჩინიჩი თხოვს “იუვენტუსის” ხელმძღვანელობას მის ტრანსფერს, ფრედი გუარინი კი საერთოდ ნერიაძურის ვარჯიშებს უცხადებს ბოიკოტს.გამომდინარე აქედან, Sky Sport – ის მიერ გავრცელებული ინფორმაციით, ბარტერი იტალიურ გუნდებს შორის შესაძლებელია მაინც მოხდეს და კლუბების ხელმძღვანელები კვლავ მიუსხდნენ მოლაპარაკებების მაგიდას.პარასკევს აპენინებზე “ინტერის” ინდონეზიელ პრეზიდენტს, ერიკ ტოჰირს ელიან და მისი ჩამოსვლა სავარაუდოდ ბევრ შეკითხვას გასცემს პასუხს.ფაქტი ერთია, ფეხბურთელები ტრანსფერს მიესალმებიან და მოლაპარაკებების დასრულებას მოუთმენლად ელიან.ბოლო ინფორმაციით, კოლუმბიელი ფორვარდი ნერიაძურის სამწვრთნელ ბაზაზე დღეს დილით გამოჩნდა და გუნდთან ერთად ივარჯიშა, თუმცა ამის მიზეზი დიდი ალბათობით ფორმის შენარჩუნებაა.

უახლოეს დღეებში “ჯენოამ” მარკო მოტას ტრანსფერი უნდა დაადასტუროს ტურინის “იუვენტუსიდან”. იტალიელი მცველი პაოლო დე ჩელიეს გზას გაუყვა და კარიერას იგიც გენუურ კლუბში განაგრძობს.აღსანიშნავია, რომ რუსობლუმ ზამთრის მიმდინარე პერიოდში დაცვა საგრძნობლად გააძლიერა, გამომდინარე იქედან, რომ მოტასთან ერთად გენუაში ნიკოლას ბურდისოც აპირებს გადაბარგებას.

სიმონე პადოინი კი, შესაძლოა “ატალანტაში” დაბრუნდეს.ზაფხულში ჩაშლილი მოლაპარაკებები შესაძლოა იანვარში განახლდეს და იტალიელი მარჯვენა ფლანგელი ბერგამოში გადაბარგდეს.გავრცელებული ინფორმაციის თანახმად, ფაბიო პარატიჩი მარინოსთან დაკავშირებას აპირებს და სიმონეს სანაცვლოდ წინასწარი ხელშეკრულებების გაფორმებას ახალგაზრდა ფეხბურთელებთან, დევიდე ძაპაკოსტისა და დანიელე ბასელისთან აპირებს.

წყარო : Tuttojuve; Football-Italia, Tuttosport