ოსვალდო : “იტალიის ყველაზე ძლიერ კლუბში მოვედი”

პაბლო ოსვალდომ ტურინის “იუვენტუსის” ოფიციალურ ვებ-გვერს პირველი ინტერვიუ მისცა : “ძალიან კმაყოფილი ვარ, ყველაფერი ძალიან სწრაფად მოხდა, ტრანსფერს დეტალები გუშინ საღამოს მოგვარდა.საკუთარ თავს ვეკითხებოდი, იყო თუ არა ეს რეალობა, 3-4 დღეში გუნდები შეთანხმდნენ.ბოლო თვეებია, მოედანზე ნაკლებ დროს ვატარებ.მოხარული ვარ, რომ ინგლისში თამაშით გამოცდილება მივიღე, მაგრამ კალჩოში დაბრუნებამ გამახარა.მნიშვნელოვანი თვეები მელის წინ, სეზონი ბებერ ქალბატონში და მსოფლიო ჩემპიონატი ბრაზილიაში.თამამად შემიძლია ვთქვა, საუკეთესო პერიოდია ჩემს კარიერაში, ასეთი შანსი ცხოვრებაში ერთხელ ეცემა ადამიანს.ჩემი მიზანია გუნდისთვის ყველაფერი გავიღო და ღმერთის წყალობით, მსოფლიო ჩემპიონატზე გავემგზავრო.”იუვენტუსის” წინააღმდეგ მოედანზე მითამაშია, თუმცა ახლა ამ კლუბის ნაწილი თავად ვარ და ამით სიამოვნება უნდა მივიღო.არ ვიცი რა იქნება მომავალში, თუმცა ფაქტია, როგორც ფეხბურთელს, ოცნება ამიხდა, იტალიის ყველაზე ტიტულოვან კლუბში ვთამაშობ, რა იქნება ზაფხულში, ეს ჩემი თამაშის ხარისხზეა დამოკიდებული.ლიორენტეს განცხადება ? – დიახ, ნანდოს ესპანეთიდან ვიცნობ, მასთან შესანიშნავი ურთიერთობა მაქვს.სკუადრა აძურადან ვიცნობ სხვა თანაგუნდელებსაც, ბუნებრივია, ეს ადაპტაციაში ხელს შემიწყობს.გულშემატკივრებს კარგ თამაშს და დადებით ემოციებს დავპირდები.”

წყარო : Tuttojuve