რა არის ის, რაც “იუვენტუსს” ნამდვილად აკლია ?

კვირას “იუვენტუსმა” “ვერონასთან” ითამაშა ფრე, 2-2.მართალია, სატურნირო თვალსაზრისით ამ ქულას არაფერი შეუცვლია, რამეთუ პარალელურ მატჩში “რომამ” თანაქალაქელ “ლაციოს” ვერ მოუგო, თუმცა დაკარგულმა ორმა ქულამ მაინც გააჩინა რამდენიმე მნიშვნელოვანი შეკითხვა.კონცენტრაციის ნაკლებობა ბებერ ქალბატონს არა მხოლოდ ჯალობლუსთან მატჩში, არამედ ჩემპიონთა ლიგაზეც დაეტყო, როცა გუნდმა ჯგუფური ეტაპის დაძლევა ვერ მოახერხა და მესამე ადგილით ევროპის ლიგაზე გადაინაცვლა.ფაქტია, დღევანდელ “იუვენტუსს” რაღაც აკლია, ალბათ გამოცდილება, ხასიათი, რომელიც ევროასპარეზზე აუცილებელია.

უპირველეს ყოვლისა, დავსვათ შეკითხვა, რა იგულისხმე ჩემპიონურ ხასიათში ? – პასუხი მარტივია, გუნდს მხოლოდ პლანეტის უძლიერეს კლუბებთან კი არ უნდა შეეძლოს კონცენტრაციის ხარჯზე მაღალ დონეზე თამაში, არამედ დამაჯერებლად უნდა იგებდეს აუთსაიდერების წინააღმდეგ შეხვედრებშიც.ნებისმიერი დაპირისპირება 90 წუთს გრძელდება და გოლების გატანა მსაჯის უკანასკნელ სასტვენამდეა შესაძლებელი.მატჩის მიმდინარეობისას შეიძლება დაფიქსირდეს ფაქტი, რომელმაც სრულიად შეცვალოს შეხვედრის მიმდინარეობა, ეს შეიძლება იყოს ულამაზესი გოლი, წითელი ბარათი, გაძევება ან კიდევ ბევრი რამ, აქ კაცური ხასიათის გამოვლინებაა საჭირო – რთულ მომენტში.

და მაინც, რა მოხდა “ვერონასთან” მატჩში ? – ვინც შეხვედრას ვერ უყურა, მოკლე რეზიუმე ასეთია : შევქმენით ორი საგოლე მომენტი მეტოქის კართან მატჩის დებიუტშივე, ორივე გამოვიყენეთ.ფეხბურთელებმა ჩათვალეს, რომ ყველაფერი დამთავრებულია, მატჩი მოგებულია და პოზიციური თამაში დაიწყო.ასეთი შემთხვევა პირველი არაა, კონცენტრაციის დაკარგვა “იუვენტუსმა” ფლორენციაში ინანა, ორი ბურთით რომ ვიგებდით და მეტოქემ სასწაულებრივად შემოატრიალა შეხვედრა.

თუ კარგად დავუფიქრდებით, ჩემპიონთა ლიგაზე შერცხვენაც სწორედ ამ ოპერიდან ერთ-ერთი ქვეთავია.დანიაში ვერ მოვუგეთ “კოპენჰაგენს”, ორი უაზრო გოლი გავუშვით “გალათასარაისთან” სახლში და სტუმრად ისე ვითამაშეთ, ფაქტი იყო, პლეიოფში თამაში თურქებს უფრო სურდათ, ვიდრე იტალიელებს.დროგბასა და სნეიდერის თამადობით “გალა” გაცილებით აგრესიულ და აქტიურ (თოვლ)ბურთს თამაშობდნენ.

გასულ სეზონში მიუნხენის “ბაიერნთან” უსუსური თამაში ფეხბურთელების გამოუცდელობას დავაბრალეთ, წელს კი ამაზე საუბარი ცოტა არ იყოს არასწორია.”შახტართან”, “ჩელსისთან” და “სელტიკთან” შეხვედრებში გუნდი მშვენივრად თამაშობდა, აი გერმანელებთან კი დავმარცხდით, თუმცა წესით კარგი გაკვეთილი უნდა მიგვეღო.მიმდინარე სეზონში, როგორც მინიმუმ, ჩემპიონთა ლიგის 1/2 ფინალს უწინასწარმეტყველებდნენ ჩვენს გუნდს, მით უმეტეს, ზაფხულში ჯუზეპე მაროტამ რამდენიმე მაღალი დონის შემტევი დაიმატა.საუბარი კარლოს ტევესზე, ფერნანდო ლიორენტეზე მაქვს, კიდევ კვადვო ასამოას დასახელებაა შესაძლებელი, რომელიც პოზიციით ცენტრალური ნახევარმცველია, თუმცა ფაქტია, განელი მარცხნივაც მოწოდების სიმაღლეზეა და ამ მომენტისთვის შემცვლელს არ საჭიროებს.

ამბიციური გუნდი, გამარჯვების მენტალიტეტით და ახალგაზრდა მწვრთნელით.იტალიაში ბუნებრივია, საუკეთესო გუნდი, აპენინებზე ტურინელებს კონკურენტი უბრალოდ არ ჰყავთ.არ დაგვავიწყდეს, ბებერი ქალბატონი იმ სკუადრა აძურას მთავარი მომმარაგებელია, რომელმაც ევროპის ჩემპიონატზე მეორე ადგილი დაიკავა.არადა, ბიჭებმა სეზონიც კარგად დაიწყეს და რამდენიმე მატჩშიც დაამტკიცეს მებრძოლი სული : “ინტერთან” გასვლაზე, “რეალთან” ფრე, კაცნაკლული მოპოვებული ქულა რომში, “ლაციოსთან”, აი გადამწყვეტ მომენტში კი, ჩემპიონთა ლიგაზე რაღაც არ გვეყო, თითქოს, რაც უფრო სუსტია მეტოქე, მით უფრო ნაკლებია კონცენტრაცია.

როგორ გავაგრძელოთ იმ “რაღაცის” გარეშე ? – რას ვიზამთ.თუ “იუვენტუსს” სურს ჩემპიონთა ლიგაზე სერიოზულ წარმატებას მიაღწიოს და მხოლოდ საკუთარ კედლებში არ შეეძლოს უმაღლეს დონეზე თამაში, მაშინ მენტალიტეტი უნდა აიმაღლოს.შესაძლოა, საუბარი იყოს რამდენიმე მაღალი დონის ფეხბურთელების დამატებაზე.ფაქტია, ზაფხულში გაუმჯობესებულ კონტრაქტიან კონტეს სერიოზული სამუშაოების ჩატარება მოუწევს, მას ხომ ახლა სატრანსფერო ბაზარზეც შეუძლია საკუთარი სიტყვის თქმა.ნებისმიერ შეკითხვაზე პასუხის გაცემა კლუბის ხელმძღვანელობას მოუწევს, საქმე იქნება ეს ფეხბურთელებში, ტაქტიკურ მონახაზში თუ სხვა რამეში, დაველოდოთ.

ავტორი : სერგეი ხავროლევი

პირდაპირი წყარო : Juventus.ru