კონტე : “სიტუაციის გამოსწორება ევროპის ლიგაზეა შესაძლებელი”

ტურინის “იუვენტუსის” მთავარმა მწვრთნელმა, ანტონიო კონტემ “ტრაბზონსპორთან” წინასამატჩო პრესკომფერენციაზე ყურადღება ფეხბურთელების კონცენტრაციასა და სასტარტო შემადგენლობაში შეტანილ ცვლილებებზე გაამახვილა : “უახლოეს 52 დღეში, სანაკრებო ბატალიების გათვალისწინებით, ჩემს შეგირდებს 16 შეხვედრის გამართვა მოუწევთ.მატჩებისთვის მთელი გუნდი უნდა იყოს მზად, ამიტომ ევროპის ლიგაზე გვინდა წარმატებუალად გამოვიდეთ.მოთამაშეები ერთმანეთს ჩაანაცვლებენ, რადგან შეუძლებელია ყოველ მესამე დღეს ერთნაირი შემადგენლობით თამაში.მიზანი უცვლელია – გამარჯვება ყველა მეტოქეზე.”

იტალიელ სპეციალისტს მომავალ მოწინააღმდეგეზე, თურქულ “ტრაბზონსპორზეც” ჰკითხეს : “მათ ჯგუფურ ეტაპზე “ლაციოს” აჯობეს, ჰყავთ მაღალი დონის ფეხბურთელები შეტევაში და გამოცდილი მოთამაშეები, როგორებიც ზოკორა, ბოსინგვა და მალუდა არიან.მაქსიმალურად ყურადღებით უნდა ვიყოთ.”

ამ წყვილიდან გამარჯვებული “ესბერგი” – “ფიორენტინას” შორის უძლიერესს დაუპირისპირდება.ევროპის ლიგის ფინალი კი “იუვენტუს სტედიუმზეა”, რაც დამატებითი მოტივაცია უნდა იყოს ტურინული გრანდისთვის : “ვიცით, რომ წინ გრძელი გზა გვაქვს გასავლელი, 14 შეხვედრა შიდა ჩემპიონატში და ორი ევროტურნირებზე.მაქვს სურვილი, ყველა ტურნირის გამარჯვებული გავხდე.ევროპის ლიგა პრესტიჟული ტურნირია, ჩემი გუნდისთვის იქ წარმატება მნიშვნელოვანი იქნება, მით უმეტეს, მხოლოდ მეორე სეზონია იქ დავბრუნდით.სამი წლის წინ ვერავინ წარმოიდგენდა, რომ დღეს ეს შედეგი გვექნებოდა.”

“გასულ სეზონში ჩემპიონთა ლიგის ჯგუფური ეტაპი წარმატებით დავძლიეთ, მოვხვდით 1/4 ფინალში და უძლიერეს “ბავარიასთან” დავმარცხდით.წელს კი წარუმატებლობაში თავად ვართ დამნაშავენი, თუმცა სიტუაციის გამოსწორება ევროპის ლიგაზეა შესაძლებელი.”

წყარო : Juventus.com