“ლიონი” – ტურინის “იუვენტუსის” მორიგი მეტოქე

“ოლიმპიკ დე ლიონი” – საფრანგეთის ჩემპიონატის შვიდგზის, საფრანგეთის თასის ხუთგზისა და საფრანგეთის ლიგის თასის გამარჯვებული ტურინის “იუვენტუსს” ევროპის ლიგის 1/4 ფინალურ ეტაპზე დაუპირისპირდება.ფრანგული ფეხბურთის ერთ-ერთი ყველაზე წარმატებული გუნდი 1950 წელს დაარსდა და ზემოთხსენებული ტიტულების გარდა, ევროპულ არენაზე 1997 წელს მოგებული ინტერტოტოს თასისა და 2009/10 წლების სეზონში ნახევარფინალში გასვლით შეუძლია იამაყოს.კლუბის ამჟამინდელი პრეზიდენტი ჟან-მიშელ ოლიაა, მთავარი მწვრთნელი რემი გარდი, კაპიტანი კი საფრანგეთის ეროვნული ნაკრების წევრი, მაქსიმ გონალონი.გასულ სეზონში “ლიონი” ლიგა 1 – ში მხოლოდ მესამე ადგილს დასჯერდა და ევროპის ლიგის ჯგუფურ ეტაპზე გადაინაცვლა, I ჯგუფში დამაჯერებლად იასპარეზა და 12 ქულით გავიდა შემდეგ ეტაპზე.

1/8 ფინალის საგზურის მოპოვება ფრანგებმა მხოლოდ 1/16 ფინალის საპასუხო შეხვედრაში შეძლეს საკუთარ მოედანზე, დაამარცხეს რა ჩერნომორეცის “ადესა” მინიმიმალური სხვაობით, 1-0.გუშინდელ დაპირისპირებებს შორის “ლიონის” მატჩი იყო ერთ-ერთი, სადაც დიდი ალბათობით გარკვეული იყო გამსვლელი გუნდის ვინაობა, ოლიმპიკელებმა “ვიქტორია პლზენს” შინ 4-1 მოუგეს და მიუხედავად გასვლაზე მარცხისა ( 2-1 ), შემდეგ ეტაპზე თამაშის უფლება მაინც მათ მოიპოვეს.ფრანგების საუკეთესო ბომბარდირი ევროპის ლიგაზე ბაფეტიმბი გომისია სამი გატანილი გოლით, ორ-ორი გოლი აქვთ ალექსანდრ ლაკაზეტესა და გუეიდა ფოფანას.

რაც შეეხება საფრანგეთის ლიგა ერთს, აქ “ლიონი” დამაჯერებლად ნამდვილად ვერ გამოიყურება.ჩატარებული 29 ტურის შემდეგ ოლიმპიკელებს 45 ქულა აქვთ და მეხუთე პოზიციას იკავებენ, ერთი ქულით უსწრებენ უახლოეს მდევარ “მარსელს” და 3 ქულით ჩამორჩებიან მეოთხე ადგილოსან “სენტ ეტიენს”, სწორედ ამ გუნდებს შორის მიდის ევროპის ლიგის საგზურისთვის ბრძოლა.ევრო არენისგან განსხვავებით, შიდა ჩემპიონატში გარდეს შეგირდების მთავარი მეგოლე ალექსანდრ ლაკაზეტეა, ცამეტი გოლით, მეტოქის კარი ათჯერ აქვს აღებული გომისს.უკანასკნელ ტურში, ოლიმპიკელებმა საკუთარ მოედანზე “მონაკოსთან” 2-3 დათმეს და საგრძნობლად გაიუარესეს სატურნირო მდგომარეობა.

და ერთიც ვთქვათ, “ლიონი” საშინაო შეხვედრებს “სტად ჟერლანზე” მართავს, რომელიც 40 500 მაყურებელს იტევს და სწორედ აქ მოუწევთ ტურინელებს 3 აპრილს სტუმრობა.