კონტე : ” გადაღლილობამ ლოგიკური შედეგი მოგვიტანა ”

მატჩის შემდგომ პრესსკონფერენციაზე ანტონიო კონტემ რაფა ბენიტეს ურჩია გადაეხედა მის მიერ წარდგენილი სტატისტიკისთვის , თუმცა მეორეს მხრივ აღიარა მეტოქის უპირატესობა ამ კონკრეტულ დაპირისპირებაში : ” პირველ 45 წუთში არაფერი არ გვიჩვენებია საერთოდ , არც ხასიათი , არც კომბინაციურობა და რაც მთავარია არანაირი წყურვილი და სწრაფვა გამარჯვებისკენ . ნეაპოლიტანელებმა პირიქით , იასპარეზეს უმაღლეს დონეზე და დაგვსაჯეს იმ ექსტრემალური სიტუაციისთვის , რაც ტრავმების გამო დაგვატყდა თავს . შევხვდით გუნდს , რომელიც კონცენტრირებული გამარჯვებაზე იყო და არა მონაწილეობის მიღებაზე . გუნდი რომელიც 100 მილიონ ევროს ხარჯავს , არ უნდა იყოს კმაყოფილი მხოლოდ მონაწილეობით , მას აუცილებლად ესაჭიროება გამარჯვება . ბენიტესის სიტყვები ფინანსურ მოგებასთან დაკავშირებით ? ამ ციფრებით მანიპულირება ვის რა შედეგს მოუტანს ? შესაძლოა ეს თანხა 500 მილიონიც იყოს , მაგრამ მთავარი არის ის , თუ რა რიცხვებით ხორციელდება შემდგომ ინვესტირება . ნეაპოლიტანელებს ერთ წელიწადში აქვთ დახარჯული იმდენი , რაც ჩვენ სამში . იმედი მაქვს რაფა მორჩება ამ თემაზე სპეკულირებას და მოედანზე მიმდინარე ამბებზე მოახდენს კონცენტრირებას აუცილებელია ილაპარაკო სიმართლე და არა ის , რაც ახლოსაც არ დგას მასთან ” .

” ჩვენი შემადგენლობა ? არ უნდა დაგავიწყდეთ , რომ მირკო ორ თვიანი პაუზის შემდეგ დაგვიბრუნდა , როცა ჯიოვინკო საერთოდ გასულ კვირას შეუერთდა ძირითად ჯგუფს წვრთნებზე  . რაც შეეხება იმ ფაქტს , რომ ლორენტე თავს დაღლილად გრძნობს , ეს ბუნებრივი რამ არის , იგი ყოველ მეორე მატჩშია მოედანზე და საერთოდ არ უწევს დასვენება . ოსვალდო ასპარეზობს კარგად , მაშინ როდესაც მისგან ამას ელიან . ტევესი კი ჩვენი ლიდერია და მისი არ ყოფნა ყოველთვის ძალზედ მტკივნეულად ისახება გუნდზე ” .

” მოდით ვაღიაროთ , რომ ნაპოლიმ შეგვბოჭა და სამწუხაროდ ვერ მოვახერხეთ ჯეროვნად პასუხის გაცემა . ვითამაშეთ ძლიერი გუნდის წინააღმდეგ და დავისაჯეთ გადაღლლილობის გამო , რომელიც გამოწვეულია ყოველ სამ დღეში ერთხელ მოედანზე გასვლით . პირველი ტაიმი პირწმინდად წავაგეთ , მაგრამ შესვენების შემდგომ მოვახერხეთ ფეხზე დადგომა და ანგარიში , რომ გაგვეთანაბრებინა უკვე სალაპარაკო ჩვენზე არავის არაფერი დარჩებოდა “.

” მოურინიო ? ის არ საუბრობდა იუვენტუსსზე . მან პორტო , ბენფიკა და ნაპოლი მიმოიხილა . ვფიქრობ მას უნდოდა შეეხსენებინა სიტუაცია ბენიტესთან დაკავშირებით , როდესაც უკანასკნელი ჩელსის წვრთნიდა . მაშინ გუნდმა ევროპა ლიგაზე იზეიმა წარმატება , მაგრამ ტრიუმფალურად ეს არავის მიუღია . მისი მიზანი სწორედ ბენიტესი იყო ” .

წყარო : Football Italia