ვერატი : “პოგბასთან ერთად თამაში დიდი სიამოვნება იქნება”

10 years ago გიო დარჯანია

იტალიის ეროვნული ნაკრებისა და ფრანგული “პსჟს” ნახევარმცველმა, მარკო ვერატიმ პრესასთან საუბარში ნაკრებზე და პოლ პოგბაზე ისაუბრა: “ეროვნული ნაკრები ? – სკუადრა აძურაში უმაღლესი დონის ფეხბურთელები ირიცხებიან და ამაყი ვარ, ამ გუნდის წევრი მეც ვარ.ახლა მთავარი დავალება წინაა, ვეცდები 23-კაციან განაცხადში მოვხვდე და მუნდიალზე ვითამაშო – ეს ნებისმიერი მოთამაშის ოცნებაა.რთულ ჯგუფში ვართ, მაგრამ იტალიის ნაკრები ძლიერ მეტოქეებთან საუკეთესო ფეხბურთს აჩვენებს, პლეიოფში უნდა გავიდეთ და დაწყებული საქმე ბოლომდე მივიყვანოთ.პირლოსთან შედარება ? – ახლა ოდნავ სხვა პოზიციაზე მიწევს თამაში, მეტოქის კართან უფრო ახლოს.ანდრეას დონეს რომ მივაღწიო, ბევრი მუშაობა მომიწევს.ერთადერთი, რაც ახლა პირლოსთან მაკავშირებს, ის არის, რომ ორივეს ბურთის კონტროლი გვიყვარს, მის თამაშს ვაკვირდები და ბევრს ვსწავლობ, საოცარი ფეხბურთელია.საფრანგეთში გადმობარგება ჩემი მხრიდან სწორი გადაწყვეტილება იყო.ლიგა 1 – ის საუკეთესო ახალგაზრდა გავხდი, ეს დიდი მიღწევაა, ამაყი ვარ.პოგბა ? – დარწმუნებული ვარ, რომ “იუვენტუსი” მისგან საოცარ ნახევარმცველს შექმნის, პრინციპში ის უკვე არის უძლიერესი მოთამაშე, თუმცა მომავალში კიდევ უფრო ძლიერი გახდება.ბებერ ქალბატონს ასეთი მოთამაშეების შეძენა უფრო სურს, ვიდრე გაყიდვა.მასთან ერთად თამაში დიდი სიამოვნება იქნება, რა თქმა უნდა, ამის სურვილი მაქვს.”