“იუვენტუსი” და “რეალი” ფასზე შეთანხმდნენ

იტალიური და ესპანური პრესა ალვარო მორატას არაოფიციალურად თვლის ტურინის “იუვენტუსის” ფეხბურთელად.გუშინ გვიან ღამით გავრცელებული ინფორმაციის თანახმად, გუნდებმა საერთო ენა გამონახეს და ბიანკონერები ახალგაზრდა ესპანელის სანაცვლოდ ბონუსების ჩათვლით 22 მილიონ ევროს გადაიხდიან, გამოსყიდვის სურვილის შემთხვევაში კი სამეფო კლუბს 30-33 მილიონი ევროს გადახდა მოუწევს.ესპანეთის ახალგაზრდული ნაკრების ერთ-ერთი ლიდერი ბებერ ქალბატონთან ოთხ წლიან კონტრაქტს მოაწერს ხელს და მისი წლიური ანაზღაურება 2,2 მილიონი ევრო იქნება.აღსანიშნავია, რომ მორატათი ისეთი გუნდები ინტერესდებოდნენ, როგორებიცაა ლონდონის “არსენალი”, “ვილიარეალი”, “ლივერპული” და “ინტერი”, თუმცა თავად ფეხბურთელის სურვილი ბიანკონერებში თამაშია.

წყარო : Football Italia