ევრამ “იუნაიტედი” გაშვებაზე დაითანხმა

ზაფხულის სატრანსფერო ფანჯრის პერიოდში ტურინის “იუვენტუსის” მორიგ ტრანსფერად პატრის ევრა შეიძლება ჩაითვალოს.საქმე იმაშია, რომ ფრანგი მცველი დღეს მთელი დღის განმავლობაში აწარმოებდა მოლაპარაკებებს მანჩესტერ “იუნაიტედის” ხელმძღვანელებთან და როგორც სჩანს, ამ ყველაფერმა შედეგი გამოიღო.”ეშმაკები” ბიანკონერების მიერ გაკეთებულ შეთავაზებას დათანხმდებიან, 33 წლის მარცხენა ფულბექი კი ტურინს მიაშურებს.აღსანიშნავია, რომ ევრამ უარი თქვა ინგლისელების 4 მილიონიან კონტრაქტზე და განაცხადა, რომ იტალიაში სურს თამაში, სადაც მისი ანაზღაურება 3,5 მილიონი ევრო იქნება.ტრანსფერის ოფიციალურ დასტურს ორშაბათს უნდა ველოდოთ, თავად მოთამაშე კი, როგორც მსოფლიო ჩემპიონატის 1/4 ფინალის მონაწილე, გუნდს თვის ბოლოს შეუერთდება.წყარო : Tuttojuve