ალეგრის სატრანსფერო ციებ ცხელება

ანტონიო კონტეს მოულოდნელმა წასვლამ და მის ადგილზე მასიმილიანო ალეგრის დანიშვნამ გარკვეული სახის კითხვის ნიშნები დაბადა სატრანსფერო ბაზარზე. ბოლო პერიოდში ტურინელებს სამ ფეხბურთელს უკავშირებდნენ. ევრა, მორატა და იტურბე. ეს უკანასკნელი დღეს ოფიციალურად გახდა 30 მილიონი ევროს სანაცვლოდ რომას ფეხბურთელი. მთელი რიგი კითხვის ნიშნები გაჩნდა თუ რას აპირებდა კლუბი არტურო ვიდალის და პოლ პოგბას საკითხზე, თუმცა გუშინდელმა პრესკონფერენციამ ცხადყო, რომ ტურინელები არ გეგმავენ წამყვანი მოთამაშეების გაშვებას და პირიქით გუნდის გაძლიერებაზე დაიწყებენ ზრუნვას. ევრა და მორატას საკითხი პრაქტიკულად გადაწყვეტილია და ისინი მალე მოირგებენ შავ თეთრ მაისურს. ალეგრი ორივე მათგანის ხილვას მიესალმება გუნდში. მორატა სავარაუდოდ უკვე სამშაბათს უნდა შეუერთდეს გუნდს. მისი ტრანსფერი 18 მილიონი ევრო დაჯდება და რეალს ექნება საშუალება სურვილის შემთხვევაში 35 მილიონ ევროდ გამოისყიდოს რამოდენიმე სეზონში. მათ გარდა ბიანკონერის უკავშირებენ სიმონე პასტორეს, ეიზიკელ ლავეცის,სტეფან იოვეტიჩს, დავიდე ასტორის და სტეფანო სავიჩს. ჟურნალისტების მტკიცებით ალეგრი ტრეკუარტისტას ეძებს 4-3-1-2 ტაქტიკური მონახაზისთვის და ამ როლში ყველაზე მეტად ხავიერ პასტორეს ხილვა სურს.