ტურინი იოვეტიჩის დამატებას განიხილავს

10 years ago Dutch

ტურინის ” იუვენტუსი ” საკმაოდ დიდი ხანია რაც სტეფან იოვეტიჩით არის დაინტერესებული. ჯერ კიდევ მაშინ როდესაც ჩერნოგორიელი ფორვარდი ფლორენციული კლუბის ღირსებას იცავდა იუვეს ხელმძღვანელობა ცდილობდა მის გადმობირებას, თუმცა ორ კლუბს შორის არსებული მძიმე ურთიერთობის ფონზე გარიგება არ შედგა და სტეფანმა კარიერა სიტიში 26 მილიონ ევროდ განაგრძო. პრემიერ ლიგაში მას არცთუ სახარბიელოდ მისდის საქმეები. გაუთავებელმა ტრავმება და არა სასურველმა ფიზიკურმა კონდიციებმა შედეგად ის მოიტანა, რომ იოვეტიჩი სულ რამდენიმეჯერ გამოჩნდა მწვანე მინდორზე. თავის მხრივ ტურინელებს ახალი მთავარი მწვრთნელისთვის სწორედ მისი პროფილის მქონე მოთამაშის დამატება აქვთ გადაწყვეტილი და მზად არიან პრემიერ ლიგის ბინადრებს არენდა შესთავაზონ გამოსყიდვის უფლებით, რომელიც შესაძლებელი იქნება 20-25 მილიონ ევროდ. საქმეში ინტერიც არის ჩართული, მაგრამ იუვეს უპირატესობა მდგომარეობას იმაში, რომ მომავალ სეზონში იტალიის ჩემპიონები ჩემპიონთა ლიგაზე იასპარეზებენ, ხოლო ვალტერ მაცარის კრებული ევროპა ლიგას დაჯერდება. იოვეტიჩი ერთადერთი სიტის ფეხბურთელი არ არის ვისითაც მაროტა პარატიჩის დუეტია დაინტერესებული. მათ თვალთახედვის არეალში ასევე არის მატია ნასტასიჩი.