ტევესი: “ჩემთვის კონტეს წასვლა არ იყო სიურპრიზი”

გუშინ ვინოვოს საწვრთნელ ბაზაზე პრესსკონფერენცია გამართა ბიანკონერის არგენტინელმა თავდამსხმელმა კარლოს ტევესმა. ბოლო პერიოდში სხვადასხვა ცვლილებების გამო ჟურნალისტებს არა ერთი კითხვა დაუგროვდათ კლუბის მიმართ და ტევესი შეეცადა გარკვეული ცნობისმოყვარეობა დაეკმაყოფილებინა მათთვის…

იყავით თუ არა ინფორმირებული ალეგრის სამწვრთნელო მეთოდიკის შესახებ? და რას განიცდიდი მუნდიალზე როდესაც შენი ქვეყნის ნაკრებს ტელევიზორის მეშვეობით ადევნებდი თვალყურს?

“არ ვიცნობდი, მაგრამ ეს არ არის მთავარი. მნიშვნელოვანია, რომ ყველაფერი კარგად მიმდინარეობს. არგენტინაზე კი ძნელია უბრალო სიტყვებით გადმოგცეთ ემოცია. უბრალოდ მწამდა, რომ შევძლებდით თასის აღმართვას”.

შეწუხებული ხომ არ იმ ფაქტით, რომ მწვრთნელმა რომელმაც ამ გუნდს ბევრი რამ მისცა მოულოდნელად წასვლა გადაწყვიტა? ბუფონმა ერთ ერთ ბოლო ინტერვიუში განაცხადა, რომ ეს იყო მეხის გავარდნა მშვიდ ცაზე, მაგრამ ეხლა ფეხბურთელებზე უფრო დიდი პასუხისმგებლობა არის დაკისრებული.

“აუცილებელია იმის დამტკიცება, რომ გუნდს კვლავინდებურად შესწევს ძალა მოიპოვოს თასები, სწორედ ეს არის მნიშვნელოვანი. კონტე უბრალო მწვრთნელი არ არის, მაგრამ ფეხბურთელებმა უნდა დავამტკიცოთ რომ გამარჯვებულები ვართ”.

გიფიქრია სულ ერთი წამით მაინც, რომ დატოვებდი ტურინს?

” არასოდეს არ მიფიქრია ეს. გუნდთან სამ წლიანი ხელშეკრულება მაქვს გაფორმებული და მინიმუმ მის ამოწურვამდე ნამდვილად არ სურს ადგილის შეცვლა”.

კულუარებში დადის ინფორმაცია, თითქოს მაროტასთან დაპირისპირება გქონდა მანჩინის დანიშვნასთან დაკავშირებით. ამბობენ თითქოს ტევესი წასვლით იმუქრებოდა…

“სისულელეა. არაფერი მსგავსი არ მილაპარაკია და მითუმეტეს კლუბის გენერალური დირექტორი საერთოდ არ უნდა განიხილავდეს ფეხბურთელებთან ასეთ საკითხებს. ვფიქრობ, ჟურნალისტები, რომლებიც ასეთი სახის ინფორმაციას ავრცელებენ პრესაში უბრალოდ ცდილობენ დისკომფორტი შეიტანონ კლუბის რიგებში. უდიდესი პატივს ვცემ ანიელის, მაროტას და პარატიჩის და მწამს, რომ ეს ადამიანები სულ მცირედ დაფასებას მაინც იმსახურებენ ჟურნალისტების მხრიდან”.

გაგაკვირვა ტიფოზების რეაქციამ? დღეისათვის მათი რაოდენობა ვინოვოზე საკმაოდ მცირეა…

“ყველას კარგად გვესმის, თუ რაოდენ დიდი ტკივილი გამოიწვია მასაში ამ გადაწყვეტილება, მაგრამ ამ წამისთვის კონცენტრირებულნი ვართ იტალიის ჩემპიონატის და ჩემპიონთა ლიგის სტარტზე. მალე მომზადება აქტიურ ფაზაში გადაიზრდება, როდესაც ვინოვოზე უკვე სრულად მოიყრის თავს გუნდი. შედეგზე საუბარი ჩემპიონატის მსვლელობისას შეგვეძლება”.

გქონდა თუ არა იმედ გაცრუება, როდესაც შეიტყვე კონტეს გადადგომის შესახებ?

“არა. სოციალური ქსელის დახმარებით მას შემდეგი ტექსტი მივწერე:” შენ ხარ ჩემპიონი, როგორც მწვრთნელი და ასევე როგორც ადამიანი”. ვწუხვარ მისი წასვლის გამო, მაგრამ ვეჭვობ ეს გადაწყვეტილება მან ადრევე მიიღო”.

პერეირაზე გვსურს კითხვის დასმა. მან უკვე გაიარა რივერის სკოლა, შენ კი ბოკასი… იზიარებ თუ არა ტიფოზების შიშს, თითქოს ალვარო ვიდალის შემცვლელად არის მოსული?

“პერეირას ტრანსფერი ოფიციალურად ჯერჯერობით არ დადასტურებულა, ამიტომ უმჯობესია თუ მოვიცდით. რაც შეეხება ვიდალს, ჩვენ ვსაუბრობთ მსოფლიო დონის ვარსვკლავზე. ვფიქრობ, ასეთი ადამიანები უნდა რჩებოდნენ გუნდში”.

ფიქრობ, რომ იუვენტუსი კვლავინდებურად არის ჩემპიონატის უმთავრესი ფავორიტი? სპეციალისტებს ასეთად ნაპოლი და რომა მიაჩნიათ…

“მშვენიერია, თუ ყველას მიაჩნია, რომ ნაპოლი და რომა ჩვენზე უკეთეს სიტუაციაში იმყოფებიან. მოედანზე ყველაფერი გაირკვევა. არ ღირს იმის დავიწყება, რომ ჩემპიონატის მოქმედი გამარჯვებულები სწორედ ჩვენ ვართ”.

ესაუბრე უკვე ევრას?

“დიახ, ის ტურინს 31 ივლისს ეწვევა. ბედნიერი ვარ, რადგან გარდა იმისა, რომ ჩემი კარგი მეგობარია პატრისი აუცილებლად დაეხმარება გუნდს წარმატების მიღწევაში”.

ფიქრობ რთული იქნება ზედიზედ მეოთხედ სკუდეტოს მოპოვება? თან მწვრთნელის ფაქტორიდან გამომდინარე…

“ბუნებრივია რთული იქნება, მაგრამ ეს კონტეს წასვლის გამო ნამდვილად არ არის. უბრალოდ რთულია მწვერვალზე ასე დიდხანს ყოფნა”.

მორატამ განაცხადა, რომ სურს ჩემპიონთა ლიგის მოგება ბიანკონერის მაისურით. როგორ ფიქრობ ეს შესაძლებელია?

“ვფიქრობ, იმ კონტიგენტით რაც ჩვენს ხელთ არის ნამდვილად შეგვწევს ძალა დიდი სიხარული მივანიჭოთ იუვენტუსის ტიფოზერიას”.

როგორ გრძნობ თავს ჩემპიონატის წინ? მზად ხარ საბრძოლველად?

“დიახ, სრულად. მთელი რვა კილოგრამით მოვიმატე ამისთვის( იცინის ). მალე პარტნიორები დაგვიბრუნდებიან და მათთან ერთად სრული დატვირთვით დავიწყებთ მომზადებას. ამ რვა კილოგრამის დაგდება მომიწევს, მანამ სანამ თამაშს დავიწყდებე”.

წყარო: Tuttosport