“იუვენტუსი” რამდენიმე მცველს აკვირდება

ტურინის “იუვენტუსი” დაცვის გაძლიერების უმთავრეს კანდიდატურად ბერძენ მცველს, კოსტას მანოლასს განიხილავს.”ოლიმპიაკოსის” ხელმძღვანელობა 23 წლის ფეხბურთელს 15 მილიონ ევროდ აფასებს, თუმცა ჯუზეპე მაროტა მოლაპარაკებების საფუძველზე ცდილობს, ეს თანხა ოდნავ მაინც შეამციროს.იტალიური პრესის ცნობით, მიმდინარე კვირაში ბიანკონერების ხელმძღვანელები სწორედ უკანახაზელზე ფიქრით იქნებიან დაკავებულნი და ტრანსფერის დასახურად მაქსიმუმს გააკეთებენ.აქვე ვთქვათ, რომ დაკვირვების სიაში რჩებიან მატია ნასტასიჩი “სიტიდან”, შკოდრან მუსტაფი “სამპდორიადან”, ედერ ბალანტა “რივერ პლეიტიდან” და უგო კამპანიარო “ინტერიდან”, ეს უკანასკნელი ნერიაძურის დატოვებასთან ძალიან ახლოსაა.

წყარო : Tuttojuve