მარკიზიო: “გამარჯვებას კონტეს ყვირილის გარეშედაც მივაღწევთ”

ტურინი ახალი სეზონის მოლოდინშია, თუმცა უამრავი კითხვა ჩნდება ახალ ტაქტიკასთან დაკავშირებით. წინასასეზონო მომზადებამ ცხადყო, რომ გუნდს გარკვეული პრობლემები აქვს ახალ ტაქტიკურ მოდულთან, თუმცა ამ აზრს არ იზიარებს კლაუდიო მარკიზიო:” ვერანაირ პრობლემას ვერ ვხედავ. დიახ, უკანასკნელი ორი წლის მანძილზე 3-5-2 ით ვაღწევდით წარმატებას, მაგრამ კონტეს ერა სწორად 4-3-3 ით დაიწყო თუ გაიხსენებთ. ვიცით როგორ უნდა გამოვიყენოთ ოთხი მცველი დაცვის ხაზში, თუმცა გარკვეული სამუშაოს ჩატარება და იმ მექანიზმის გახსენება დაგვჭირდება. მილანთან დაპირისპირება კარგი ტესტი იყო, მაგრამ მეტოქეს უამრავი კონტრ იერიშის საშუალება მივეცით. ვერონასთან კი თქვენს წინაშე სრულებით სხვა გუნდი წარსდგება”…

” მუდამ მზად ვარ ინოვაციებისთვის და ტაქტიკური ცვალებადობისთვის. ახალ სქემაში ტრეკუარტისტას პოზიციაზე ვირჯებოდი, მაგრამ იგი არ არის კლასიკური 10-იანი, რადგან დაცვით მექანიზმში პირლოს ვაზღვევდი, ხოლო შეტევაში ხშირად ვიცვლიდი პოზიციას. კონტეს დროს სხვაგვარად იყო. მცირე დრო დაგვჭირდება შესაგუებლად, მაგრამ უმოკლეს პერიოდში შედეგს თავადვე იხილავთ.

ალეგრიმ მიგვანიშნა, რომ გუნდი არ იქნება მოქცეული ერთი სქემის გარშემო და განახორციელებს ხშირ როტაციებს, მატჩის მსვლელობის პერიოდშიც კი. რაც შეეხება უკანასკნელ ამხანაგურ ტურნირს, იქ ჩვენ არ გვყავდნენ ლორენტე და მორატა. წინ დიდი სეზონი გველის რაშიც დარწმუნებული ვარ. სკუდეტო თუ ჩემპიონთა ლიგა? წარმატების მიღწევას ორივე ტურნირში შევეცდებით და განსაკუთრებით ევროპაში გვაქვს სიტუაცია გამოსასწორებელი. სკუდეტოს მხოლოდ ამ ტურნირისთვის თუ შეველეოდი.

კონტეს დროს ყველაფერი გაწერილი იყო გეგმის მიხედვით და შედეგად სამ სკუდეტოს ორი სუპერ თასიც მოჰყვა. ალეგრის სხვა ხედვა გააჩნია, რასაც მილანთან დაპირისპირებაშიც ნახავდით. უმეტეს დროს ვუთმობთ ბურთის კონტროლს. ევროპულ არენაზე ეს კარგად მუშაობს, რაშიც დავრწმუნდით გასულ წელს როდესაც ვხვდებოდით კლუბებს, რომლებიც თმობდნენ ბურთს და ასპარეზობდნენ დიდი სიფრთხილით, რამაც პრობლემები შეგვიქმნა. ყველაზე მთავარია ეხლა ვისწავლოთ ამ პრობლემების გადალახვა.

იუვენტუსის წარმატებული ციკლის შეწყვეტა არც კონტეს წასვლაზეა დამოკიდებული და არც რომელიმე მსგავს ფაქტორზე. ბიანკონერის გამარჯვებული მექანიზმია და ბუნება თავისას ნებისმიერ სიტუაციაში გაიტანს. მეოთხე ტურნირის მოგება ზედიზედ იქნება უსაზღვროდ რთული, თუმცა ჩვენ არ გვაშინებს ეს. კონკურენტებიც საკმაო გვყავს და ყველაზე გამორჩეული ალბათ დედაქალაქური რომაა, თუმცა არ დავივიწყებდი ინტერს, მილანს, ნაპოლის და ფიორენტინას. არ იქნებოდა ურიგო პლიუს იტალიის თასი ზედიზედ მეათედ მოგვეპოვებინა.

მაკლია თუ არა კონტეს ყვირილი? იცით, იუვენტუს მისი ყვირილის გარეშედაც შეუძლია გამარჯვების მოპოვება. მინდა დაგარწმუნოთ, რომ ალეგრიც უწევს გასახდელში ტონს როცა საქმე ამას მოითხოვს. კონტეს გადადგომა სიურპირიზი იყო ჩვენთვის, რადგან მან გუნდი წინასასეზონო შეკრების მეორე დღეს დატოვა. ვისაუბრეთ მიზეზებზე, რომელიც ჩვენ შორის დარჩება და მე მის გადაწყვეტილებას პატივს ვცემ. ის ნამდვილად არ შედის იმ ადამიანთა რიცხვში, რომლებიც აგრძელებენ მუშაობას მაშინ როდესაც არ არიან 100%-ით მზად. ნაკრებში მას ახალი როლი ელოდება და ვფიქრობ მისი მახასიათებლებიდან გამომდინარე იდეალურად შეასრულებს საქმეს “ – განაცხადა ჟურნალისტებთან საუბარში კლაუდიო მარკიზიომ.

წყარო: ტურინის ” იუვენტუსის ” ოფიციალური ვებ გვერდი