კონკურენტების მატჩები საკუთარ ჩემპიონატებში

ჩემპიონთა ლიგაზე ტურინის “იუვენტუსის” მთავარმა კონკურენტმა, მადრიდის “ატლეტიკომ” ესპანეთის პრიმიერა დივიზიონში პირველი გამარჯვება მოიპოვა.მოქმედმა ჩემპიონებმა საკუთარ მოედანზე “ეიბერი” მიიღეს, მირანდასა და მარიო მანძუკიჩის გოლებით კი 2-1 დაამარცხეს.გარდა იმისა, რომ დიეგო სიმეონესთვის მადრიდული კლუბის მთავარი მწვრთნელის რანგში მეასე მატჩი იყო, “ატლეტიკოსთვის” სასიამოვნო ინფორმაცია ისიცაა, რომ მათ ალესიო ჩერჩის გაფორმება შეძლეს.”ოლიმპიაკოსმა” საბერძნეთის ჩემპიონატში “პანაიტოლიკოსთან” შეხვედრა ფრედ დაასრულა, წინა ტურში კი, “ნიკი ვოლოუ” დაამარცხა 3-1, ამ მომენტისთვის მათი მონაგარი ჩემპიონატში ოთხი ქულაა.აქვე გეტყვით, რომ ბიანკონერების კონკურენტის შემადგენლობაში ისეთი ფეხბურთელები ირიცხებიან, როგორებიც ხავიერ სავიოლა, ალეხანდრო დომინგესი, ერიკ აბიდალი და პაიტიმ კასამი არიან, დღესვე ცნობილი გახდა, რომ ბერძნებმა არენდის წესით კოსტას მიტროღლუ “ფულემიდან” დაიბრუნეს.”მალმიოს” რამდენიმე თვიანი წარმატებული სერია შეწყდა,  შვედები 2-0 “იურგორდენუსთან” წააგეს და “აეკს” მისცეს საშუალება, სხვაობა მხოლოდ 4 ქულამდე დაეყვანა.

წყარო : Juventus.com