ალეგრი : “ხვალინდელი დღე ჩემთვის დაუვიწყარი იქნება”

ტურინის “იუვენტუსის” მთავარი მწვრთნელი, მასიმილიანო ალეგრი “უდინეზესთან” მატჩამდე ერთი დღით ადრე ჟურნალისტებს შეხვდა და მათ შეკითხვებს უპასუხა : “ფეხბურთელების ტრავმებზე პრესა გაცილებით მეტს საუბრობს, ვიდრე საჭიროა, ბოლო რამდენიმე თვეა მხოლოდ რამდენიმე მოთამაშეს აწუხებს დაზიანება, მაგალითად, ანდრეა ბარძალისა და არტურო ვიდალს, ჯორჯო კიელინის დისკვალიფიკაცია ჰქონდა, თუმცა ის ჩვენთან ერთად ვარჯიშობდა.ბარძალიმ ტრავმა მოიშუშა, იგი ხვალ სათადარიგოთა სკამზე იქნება, ალვარო მორატა მზადაა, მოედანზე გავიდეს.ანდრეა პირლო მალე დაბრუნდება, კარლოს ტევესს ტრავმა არ აქვს.არგენტინელს ვესაუბრე, არ მინდა გავრისკო, მით უმეტეს ჩემპიონთა ლიგის სტარტი ახლოვდება.მორატაზე დიდ იმედებს ვამყარებთ, ცუდ ფორმაში არაა, მაგრამ იდეალურამდე ჯერ კიდევ მოუწევს ვარჯიში, მისი დრიბლინგი და ტექნიკა მართლაც გასაოცარია.”

მოწინააღმდეგეზე : “უდინეზე კარგად მომზადებული გუნდია, ფრანჩესკო გვიდოლინის წასვლის შემდეგ ანდრეა სტრამაჩონიმ შემდგარი კოლექტივი ჩაიბარა, რომელსაც განვითარების პერსპექტივა კიდევ აქვს.ყველაზე მთავარი ისაა, რომ ტურინში ვთამაშობთ, გულშემატკივრების მხარდაჭერა ნამდვილად გვჭირდება.ჩემთვის ხვალინდელი დღე დაუვიწყარი იქნება მუდამ, პირველი შეხვედრა იუვენტუს სტედიუმზე, დამრიგებლის რანგში.”

ტაქტიკურ სქემაზე : “მოდით შევთანხმდეთ, არ აქვს მნიშვნელობა, სამი მცველით ვითამაშებთ თუ ოთხით, ნებისმიერ შემთხვევაში, “იუვენტუსი” თავის სიდიადეს ინარჩუნებს და იგი არ იქნება ერთი რომელიმე მწვრთნელის გუნდი, მთავარი შედეგია, რომელიც აუცილებლად უნდა ვაჩვენოთ.ამ მომენტისთვის, როცა კიელინი და ბარძალი ვერ თამაშობენ, ოთხი მცველით თამაში საჭირო არ არის.”

“ევრა ? – მან საგრძნობლად გაგვაძლიერა და შემიძლია ვთქვა, რომ ხვალ მოედანზე აუცილებლად გავა.მას თამაში შეუძლია როგორც ოთხ მცველში, ისე ხუთ ნახევარმცველში.იტალიურ ფეხბურთში ფრანგი გამოცდილია, შეჩვევა არ სჭირდება.”რომა” ? – რომაელებიც და “მილანიც” სერიოზულად გაძლიერდნენ, დაბალანსებულ ჩემპიონატს ველი, თუმცა არც “ნაპოლის” დავიწყება ღირს.”

წყარო : Football Italia