ალეგრი: “პოგბაზე ხშირად ვბრაზდები”
მილანის დამარცხება სან სიროზე ყოველთვის სასიამოვნო ფაქტია ბიანკონერისთვის, თუმცა ამჯერად როდესაც გუნდს ალეგრი ჩაუდგა გუშინდელ სამ ქულას დამატებითი მნიშვნელობა მიენიჭა: ” ფაქტია, რომ როსონერისთან დაპირისპირება სადაც სამი წელი ვიმუშავე უბრალო არ იქნებოდა. არ მსურს შურისძიებაზე საუბარი. უბრალოდ მოხარული ვარ, რომ მოვახერხეთ გამარჯვების მოპოვება. კარგი შეხვედრა იყო სადაც მეტოქე თავს იცავდა და ერთ ეპიზოდში, როდესაც ჰონდა ურტყავდა ჩვენი კარის მიმართულებით გაჩნდა რეალური ხიფათი რომ ბურთს გავუშვებდით. საბედნიეროდ ყველაფერი ჩვენს სასარგებლოდ დასრულდა და მსურს ამ გუნდთთან ერთად დიდ წარმატებას მივაღწიო. პოგბას საგოლე გადაცემა? მასსზე სიმართლე გითხრათ ხშირად ვბრაზდები, რადგან ჯერჯერობით საკუთარი პოტენციალი სრულად არ წარმოუჩენია, მაგრამ პოლი ჯერ სულ რაღაც 21 წლის არის და მას ყველაფერი წინ აქვს”– განაცხადა ბიანკონერის მთავარმა მწვრთნელმა მასიმილიანო ალეგრიმ.
წყარო: ტურინის “იუვენტუსის” ოფიციალური ვებ გვერდი
