ოგბონა : ” ვცდილობ გუნდს მაქსიმალური სარგებელი მოვუტანო “

სხვა დადებით ასპექტებთან ერთად გამოსაყოფია ცალკეული ფეხბურთელების საიმედო ასპარეზობა ახალ სეზონში. ერთ-ერთი მათგანი უდაოდ ანჟელო ოგბონაა, რომლის თამაშის ხარისხი გასულ სეზონთან შედარებით მნიშვნელოვნად არის გაუმჯობესებული : “ვთვლი, რომ თითოეული ჩვენთაგანი არის მნიშვნელოვანი გუნდისთვის. საკუთარი თავი კი ნამდვილად არ მიმაჩნია შეუცვლელად, უბრალოდ ვცდილობ მაქსიმალური სარგებელი მოვუტანო კლუბს. გასულ სეზონთან შედარებით ჩვენ კიდევ უფრო მეტად ვაკონტროლებთ სათამაშო ტემპს. პლიუს ამასთან ტევესის გადაადგილება მოედანზე მეტად თავისუფალი და პროდუქტიული გახდა, რამაც გამოიღო კიდევაც სასურველი შედეგი. რაც შეეხება ჩვენს უკანასკნელ შეხვედრას, გარკვეული სახის ხარვეზები მართლაც გვქონდა საწყის წუთებში, მაგრამ ეტაპობრივად ვიგდეთ სადავეები ხელთ და კარლიტოსის დამაჯერებელი თამაშის შედეგად მორიგ ლამაზ გამარჯვებას მივაღწიეთ”.

წყარო: ტურინის “იუვენტუსის” ოფიციალური ვებ გვერდი