ვიდალი : ” კლუბთან იდეალური ურთიერთობა მაქვს ”
ბოლო რამდენიმე დღეა არტურო ვიდალის გარშემო უამრავი ჭორი დაიწერა და ფეხბურთელმა კომენტარის გაკეთება ისურვა ჟურნალისტებთან : ” გამომდინარე იქიდან თუ რა ინფორმაციებიც ვრცელდება ბოლო პერიოდში პრესის ფურცლებზე, საჭიროდ ჩავთვალე განმემარტა შექმნილი მდგომარეობა. ჩემი ურთიერთობა კლუბთან არის იდეალური, ისევე როგორც პარტნიორებთან, რომლებსაც ჯერათ ჩემი, ხოლო მე მათი. სისულელეა თითქოს კლუბს რაიმე სახის სანქციები მიეღო ჩემს მიმართ ან დავეჯარიმებინე. ეს არის მტკნარი სიცრუეა. რაც შეეხება მუხლს იგი იმყოფება იდეალურ კონდიციებში. ოპერაციის შემდგომ გარკვეული პერიოდი დამჭირდა ძალების აღსადგენად, თუმცა მუხლჩაუხრელი შრომა უკვალოდ არ ჩაივლის. 100 %-ით ვარ მოტივირებული წარმატებისთვის როგორც კლუბთან ასევე ნაკრებთან. ვფიქრობ ეს იქნება მკაფიო შეტყობინება ბოროტი ადამიანებისთვის, რომლებიც ათას გაუზრებელ ჭორს აქვეყნებენ ჩემს და ჩემი კლუბის მიმართ ” .
წყარო: tuttosport
