ალეგრი :”დამსახურებული გამარჯვება იყო”

ალეგრი აღფრთოვანებულია პოგბას ასპარეზობით, რომლის დახმარებითაც ბიანკონერიმ შინ კიევო დაამარცხა 2-0. აქვე მან დასძინა, რომ :”ყველაფერს აქვს საკუთარი ფასი”. 21 წლის ტალანტმა თავად გაიტანა პირველი, ხოლო მეორე პრაქტიკულად მისი მოქმედების შედეგად დაიბადა, რომელიც ბოლოს სტეფან ლიხტშტაინერმა აქცია გოლად.

“ვფიქრობ მან მორიგი ექსტრა არაორდინალური ბურთი გაიტანა და მეორე ეპიზოდისას ექსტრა არაორდინალური გადაცემა გააკეთა. იმისათვის, რომ გამარჯვება მოიპოვო სწორედ ასეთი კალიბრის ფეხბურთელები გესაჭიროება შემადგენლობაში. წინააღმდეგ შემთხვევაში კი არ იქნებოდნენ კლუბები, რომლებიც გადაიხდიდნენ მათში 100 მილიონ ევროს. ისევე როგორც ნებისმიერ პროფესიაში ფეხბურთშიც არსებობს ხარისხი და დონე. პოლი არის მოწესრიგებული, ყურადღებიანი და ჭკვიანი ბიჭი. მას სურს იყოს საუკეთესო და ამის დემონსტრირებას ყოველ ვარჯიშზე ახდენს”.

ალეგრის ასევე ჰკითხეს არსებობს თუ არა ეგრეთ წოდებული “შეუფასებელი ფეხბურთელი, რომელიც არაფრის დიდებით არ დატოვებს ან გაყიდის კლუბი?

“სამწუხაროდ ცხოვრებაში ყველაფერს აქვს თავისი ფასი. ნაკლებად ვფიქრობ, რომ ამ პრობლემის გადაჭრა დაუყონებლივ უნდა მოვახდინოთ. რთულია მსოფლიო დონის ფეხბურთელების შეცვლა, მაგრამ წარმოუდგენელი ნამდვილად არ არის. ისევე როგორც ცხოვრება ასევე ფეხბურთიც გრძელდება და პროგრესირებს. პოგბა ჯერ მხოლოდ 21 წლისაა, რომელსაც თავისუფლად შეუძლია კიდევ 10-15 სეზონის მაღალ დონეზე ჩატარება. უფრო მეტიც ის მიღწეულზე არასოდეს ჩერდება და მუდმივად პროგრესირებს”.

“ვიდალის ცვლილება? გამომდინარე იქიდან, რომ უკვე ჰქონდა მიღებული ყვითელი ბარათი და მუდმივ ინტენსიურობაში იმყოფებოდა, თავიდან ავიცილე გაძევების საშიშროება. პირველი ტაიმი? არ იყო მაღალ ტემპში, რადგან მეტოქეს მუდმივ პრესინგში ვყავდით. თუმცა, მეორე ნახევარში პოლის გოლმა ყველაფერი თავის ადგილზე დააყენა. ვერონელებმა მხოლოდ მატჩის მიწურულს შეგვიტიეს და ისიც იმიტომ რომ ჩაგვეძინა. თუმცა, ეს დამსახურებული გამარჯვება იყო”.

წყარო: ტურინის “იუვენტუსის” ოფიციალური ვებ გვერდი