სტურარო : “მილანთან მატჩისთვის აქტიურად ვემზადებით”

ტურინის “იუვენტუსის” ახალწვეულმა, სტეფანო სტურარომ სკაი სპორტის ჟურნალისტებს საკმაოდ ვრცელი და საინტერესო ინტერვიუ მისცა : “გატუზო ? – დიახ, წავიკითხე რომ მას მადარებენ, ჯენარო იტალიური ფეხბურთისა და მილანის ლეგენდაა, მოხარული ვიქნები, იმის ნახევარს მაინც თუ მივაღწევ, რასაც მან მიაღწია.წინასწარ დასახულ მიზნებზე საუბარი არ მიყვარს, ჩემთვის უპირველესი ამოცანა ახლა პროგრესი და თანაგუნდელებისგან სწავლაა.ბოლო დღეები მართლაც ემოციურია, არ მჯერა, რომ აქ ვარ, ჯენოაში შესანიშნავი პერიოდი გავატარე, თუმცა “იუვენტუსში” მოხვედრა – ოცნების ახდენაა.გენუელებს ახალგაზრდა და მებრძოლი გუნდი ჰყავთ, თანაგუნდელებთან დაშორება გამიჭირდა, განსაკუთრებით მატია პერინს გამოვყოფდი, იგი ჩემი მეგობარია, სასტუმროში მუდამ ერთ ნომერში ვცხოვრობდით.მასზე ისე ვზრუნავდი, როგორც საკუთარ შვილზე, მიუხედავად იმისა, რომ ჩემზე უფროსია.ყოფილი კოლექტივის წევრებთან მუდმივი კონტაქტი მექნება, ეს პრობლემას არ წარმოადგენს.”

სკუდეტოსთვის ბრძოლა და მოახლოვებული მატჩი “მილანთან” : “რომასთან შვიდ ქულიანი ჰანდიკაპი გვაქვს, მაგრამ ეს იმას არ ნიშნავს, რომ უნდა მოვდუნდეთ, ორ მატჩში შეცდომის დაშვებაც და ეს უპირატესობა წამიერად გაქრება.გუნდი მოტივირებულია და წარმატების მიღწევა ერთად გვსურს.როსონერისთან მატჩს განსაკუთრებული მნიშვნელობა აქვს, ორივე გუნდი უმაღლესი დონის ფეხბურთელებითაა დაკომპლექტებული.ჩვენ აქტიურად ვემზადებით, დღეს ვინოვოზე ვარჯიშს ვერც თოვლმა შეუშალა ხელი, კონცენტრირებულნი მხოლოდ აშაბათის მატჩზე ვართ.ტევესი ? – დაბადების დღე მივულოცეთ და წარმატებები ვუსურვეთ, თუმცა თოვლის გუნდებს თავი მაინც ვერ დააღწია.იცინოდა, თუმცა, სანაძლეოს დავდებ, ძალიან შეცივდა.”

წყარო : football italia