პოგბას ანელკა “ჩელსიში” წასვლას ურჩევს

“ჩელსის” ყოფილი ფეხბურთელი ნიკოლას ანელკა თანამემამულე პოლ პოგბას მოუწოდებს, რომ უარი განაცხადოს “მანჩესტერში” თამაშზე და ლურჯებს შეუერთდეს. მოგეხსენებათ მოთამაშე ტურინული გრანდის ღირსებასაც იცავდა 6 თვით. ანელკას სჯერა, რომ პოლს შეუძლია ნებისმიერ კლუბში თამაში და თავის წარმოჩენა, მან ამის შესახებ Daily Express-თან ისაუბრა. “პოლს ნებისმიერ კლუბში თამაში შეუძლია, მას აქვს უნარი თეორია წარმოადგინოს პრაქტიკაში. ჩემი რჩევა “ჩელსი” იქნება, თუ ის კლუბს დატოვებს, მათ ახლა ერთ-ერთი საუკეთესო გუნდი და მოთამაშეები ჰყავთ, ასევე ძლიერები არიან ფინანსურად, რაც რომან აბრამოვიჩის დამსახურებაა. ანალოგიური შემიძლია ვთქვა “რეალ მადრიდზეც”, მსოფლიოს ერთ-ერთი უდიდესი კლუბი. ანჩელოტისთან ერთად ის ბევრად მეტს ისწავლის.”-აცხადებს ფრანგი ფორვარდი. თუ ჭორებს დავუჯერებთ ფრანგი ახალგაზრდა ბოლო წლის ყველაზე მოთხოვნადი ფეხბურთელია, “პსჟ”, “მანჩესტერ იუნაიტედი”, “ჩელსი”, “ბაიერნი”, “ბარსელონა” და “რეალ მადრიდი” არა ერთხელ დააკავშირეს მის სახელთან. პოგბას აგენტის თქმით მის სანაცვლოდ “იუვემ” მინიმუმ 85 მილიონი ევრო უნდა მიიღოს. “საჭირო დრო თუ იქნა, ზაფხულში პოლი კლუბიდან წავა, თუ არა და ის კლუბში დარჩება. ის სატრანსფერო რეკორდს მოხსნის, ვფიქრობ, ეს არავის გაუკვირდება. პოგბა ფეხბურთის “მონა ლიზაა”.”-აცხადებს მინო რაიოლა [პოგბას აგენტი].

წყარო : Daily Express