ალეგრი :”ფეხბურთელებმა კარგი შთაბეჭდილება დამიტოვეს”

მასიმილიანო ალეგრის მოსაზრებით მის გუნდს ჯერჯერობით არ გაუნაღდებია სკუდეტო: “საწყის ეტაპზე მეტოქე გვავიწროვებდა და აქტიურ პრესინგს მიმართავდა, მაგრამ გადიოდა დრო და ჩვენ გაცილებით ეფექტურად ვმოქმედებდით ბურთით. საერთოდაც მომწონს 1-0, რადგან ასეთ დროს ფეხბურთელები მუდმივ ტონუსში იმყოფებიან. ვფიქრობ, დღეს ბიჭებმა ტაქტიკურად გამართული ფეხბურთი აჩვენეს. შევეცადე, რომ პეპეთი გარდამექმნა შეტევა. შედეგად მისმა ჩაწოდებებმა და ლორენტეს მეორე სართულზე ბრძოლამ სასურველ შედეგამდე მიგვიყვანა. კმაყოფილი ვარ შეგირდების გარჯით, გამონაკლისი ალბათ რამდენიმე წუთია სადაც ზედმეტად ვჩქარობდით ხოლმე. მორატა კარგია ცენტრალური ფორვარდის პოზიციაზე, მაგრამ დღეს მას უფრო სიღრმიდან მოუწია ასპარეზობა და ცუდად ნამდვილად არ გამოიყურებოდა”.

“პოგბა გამთამაშებლად? ვფიქრობ, იგი უფრო მეტად ორთაბრძოლებშია გამოსაყენებელი, რადგან გრძელი ფეხების დამსახურებით საკმაოდ მოკლე დროში ახერხებს დიდი სისწრაფის აკრეფვას. ამასთან ერთად მას ესაჭიროება თავისუფალი ზონა შედეგიანი მოქმედებისთვის. მაგალითისთვის, ზონებს შორის მცირე ზონის გამოყენება უფრო ეფექტურად პერეირას გამოსდის”.

“სტატისტიკის თანახმად, გუნდი მეტად უმატებს უკანასკნელ 15 წუთში. საერთოდაც ბოლო დროს ერთი და იმავე ფეხბურთელები გამოიყენებიან ხშირად. სამწუხაროდ ტრავმების გამო იძულებული ვარ ერთი და იგივე მცველების ტანდემი გავიყვანო მინდორზე”.

“პეპემ საბოლოოდ დაღწია ცუდ პერიოდს თავი და ერთგვარი ალტერნატივის საშუალება მომცა, რომელსაც მოწყვეტილი ვიყავი ადრე. განსაკუთრებით ეფექტური სიმონე მაშინ არის როდესაც გუნდს ფლანგების ამუშავება ესაჭიროება. კასერესი მოვისაკლისეთ, მაგრამ საბედნიეროდ ბარძალი დაგვიბრუნდა”.

“სკუდეტო ჯერჯერობით არ არის მოპოვებული. ამიტომაც მოგვიწევს ბალანსის შენარჩუნება და მშვიდად ყოფნა. აჩქარება საქმეს არ მოუხდება. წინ სერია ა-ს მატჩები, ჩემპიონთა ლიგა და იტალიის თასი გველის. სკუდეტო მთავარი მიზანია, ჩემპიონთა ლიგა ოცნება, ხოლო იტალიის თასსზე გამოვცდით საკუთარ თავს და ვნახავთ რამდენად ვართ მზად ამ გათამაშებისთვის”.

წყარო: ტურინის “იუვენტუსის” ოფიციალური ვებ გვერდი