მაროტა :”პოგბასთვის პოტენციურ მყიდველს ნამდვილად არ ვეძებთ”

ჯუზეპე მაროტას განცხადებით ტურინულმა კლუბმა პოლ პოგბას გარეშეც მშვენივრად იასპარეზა და 1/4 ფინალში ასპარეზობაც მოიპოვა. თუმცა, ამასთან ერთად იგი უარყოფს ყველანაირ მოლაპარაკებებს ფეხბურთელის ვითომ და გასხვისების თაობაზე:“პირველივე წამიდან გვქონდა კონკრეტული მიზანი, რომელიც შედგა ანდრეა ანიელისთან ერთად. იუვე უნდა დაბრუნებოდა იმ პოზიციას, რომელსაც იმსახურებს. წლიდან წლემდე კი ყველა ხედავდა თუ როგორი ტემპებით პროგრესირებდა გუნდი. ჩემპიონთა ლიგის 1/4 ფინალში ასპარეზობა კი მიუთითებს იმას, თუ რაოდენ დიდი პროფესიონალები არიან აქ შეკრებილნი. გამარჯვება, რომელიც ლამაზ სტილში იყო მიღწეული, სამწუხაროდ პოლ პოგბას გარეშე შესდგა. ეს კი კიდევ ერთხელ ადასტრებს ფაქტს, რომლის მიხედვითაც ფეხბურთი არის გუნდური სპორტი და არა ინდივიდუალური. ბუნებრივია ცალკეული ფეხბურთელები მნიშვნელოვანი არიან, მაგრამ უპირველესი კლუბის ინტერესებია. სასიამოვნოა, რომ პოლმა მალევე გაამართლა გაცემული ავანსები. მსურს დაგარწმუნოთ, რომ იუვეს შეუძლია ასეთი კალიბრის მოთამაშეების შენარჩუნება. ეს არის რეალობა”.

“ბუნებრივია, რომ დღეისათვის იგი საკუთარი პერსონის მიმართ დიდ ყურადღებას მიიპყრობს და თან ისეთი გუნდებისგან, რომლებიც ჩვენს ჩემპიონატზე უფრო ძლიერ ლიგებში ასპარეზობენ. თუმცა, იუვენტუსი არ ეძებს მყიდველს. ფაქტია, რომ რაც მეტი ჩემპიონი გყავს კლუბში, მით უფრო მეტია მოგების შანსი, მაგრამ გასათვალისწინებელია სხვადასხვა ასპექტი. გვსურს ეს ორი ელემენტი გავაერთიანოთ, რომელიც საბოლოო ჯამში განამტკიცებს გამარჯვებულის მენტალიტეტს. სხვა ფაქტორებთან ერთად ამაში გამოვიყენებთ სატრანსფერო ფანჯარასაც. განვაგრძობთ პროგრესირებას, როგორც ამას უკვე ვახდენდით გასული წლების მანძილზე. შემადგენლობა უნდა იყოს კონკურენტუნარიანი და მასში უნდა ირიცხებოდნენ როგორც ჩემპიონები, ასევე ნაკლებად ცნობილნი, თუმცა გუნდისთვის სარგებელის მომტანნი”.

წყარო: Football-Italia