ინფორმაცია ტრავმირებული ფეხბურთელების შესახებ

ტურინის “იუვენტუსის” ბანაკიდან სასიამოვნო ინფორმაციები ვრცელდება.ტრავმა სრულად მოიშუშა და გუნდთან ერთად ვარჯიშობს ანდრეა პირლო, რომელმაც დაზიანება დორტმუნდის “ბორუსიასთან” ჩემპიონთა ლიგის მატჩში მიიღო და მას შემდეგ მოედანზე არ გამოჩენილა.სრულ მზადყოფნაშია პაოლო დე ჩელიეც, ლუკა მარონეც და რაც მთავარია კლაუდიო მარკიზიო, რომლის შესახებაც ბოლო დღეებში ძალიან ბევრი ითქვა და დაიწერა.ზემოთ ხსენებული ოთხივე ფეხბურთელი “ემპოლისთან” შეხვედრაში განაცხადში იქნებიან.რაც შეეხება ეროვნულ ნაკრებში მყოფ მოთამაშეებს, პატრის ევრა, სტეფანო სტურარო და არტურო ვიდალი ვინოვოს ბაზას უკვე დაუბრუნდნენ, ალვარო მორატა, კინგსლი კომანი, შტეფან ლიხტშტაინერი, კარლოს ტევესი, რობერტო პერეირა, ლეონარდო ბონუჩი, ჯიჯი ბუფონი, ანდრეა ბარძალი და ჯორჯო კიელინი კი ალეგრის განკარგულებაში უახლოეს დღეებში იქნებიან.რამდენიმე სიტყვით ლაზარეთში მყოფ ფეხბურთელებსაც შევეხოთ : პოლ პოგბა მინიმუმ ათ მაისამდეა ტრავმირებული, მარტინ კასერესი 17 მაისამდე, კვადვო ასამოას დაბრუნება კი 15 აპრილისთვის იგეგმება.