როსი :”კონტე ფედერაციისგან სრულ მხარდაჭერას ელოდა, თუმცა…”

Radio Onda Libera-სთან საუბარში ლეგენდარულმა პაოლო როსიმ სკუადრა აძურიზე და ტურინის “იუვენტუსსზე” ისაუბრა, რომელთა რიგებშიც 80-იანებში საკმაოდ წარმატებულად ასპარეზობდა:

კონტეს შესახებ…

“ანტონიოს იმედი ჰქონდა, რომ ფედერაციისგან სრულ მხარდაჭერას მიიღებდა და ისე იმუშავებდა, როგორც მას მოესურვებოდა. კლუბებს კი საკუთარი მიზნები და უამრავი მატჩები აქვთ გასამართი. ნაკრები უკვე მიჩვეულია, რომ თამაშამდე რამდენიმე დღით ადრე შეიკრიბოს. თუმცა, კონტესთვის 3-4 დღე არ არის საკმარისი”.

მარკიზიო…

“ნახევარმცველის თაობაზე პრობლემატური გახდა კომუნიკაციის სფერო და სწორედ ამიტომ წარმოიშვა გაუგებრობა. თუმცა, ამ ფაქტმა კიდევ ერთხელ დაადასტურა კლუბების ჰეგემონია აპენინებზე. ის პერიოდი უკვე დიდი ხანია შეიცვალა, როდესაც ნაკრებში მოხვედრა საოცნებო რამ იყო, ეხლა უკვე გუნდები წარმართავენ თამაშის წესებს. პირადად მე ვფიქრობ, რომ სწორედ ნაკრები უნდა იყოს პირველი ნომერი”.

აძურის თავდასხმა…

“სწორედ იმობილეს და ძაძას ეკუთვნით იტალიის მომავალი. დღეისათვის არცთუ ისე ბევრი მაღალ კვალიფიციური თავდამსხმელია, ხოლო იმობილე, რომელიც ბორუსიაში წარმატებულად ასპარეზობს იმსახურებს ნდობას. ნაკრებში და საერთოდაც ნახევარდაცვაში, არჩევანი უფრო ფართოა”.

იუვენტუსი…

“ტურინელებს ყველაზე იოლი მეტოქე შეხვდათ, თუმცა 1/4 ფინალი მაინც 1/4-ია. იუვეს რეალური შანსი აქვს ნახევარფინალში გასვლის, სადაც მას უკვე ტოპ კლუბი დაუპირისპირდება. ვინ იფიქრებდა ამას სეზონის სტარტზე? ალეგრის კარგი გუნდი ჰყავს და შორს შეუძლია გასვლა. ამასობაში პირლოც და პოგბაც ოპტიმალურ კონდიციებში შევლენ”.

ინტერვიუს მიწურულს კი თემა ლაციოს შეეხო…

“ჩემპიონატის უდაო აღმოჩენაა, რადგან არავინ ელოდა ასეთ მაღალ პოზიციას. სტარტი, რომ ასეთივე წარმატებული ყოფილიყო იუვეს რეალურ მეტოქეთ ჩაითვლებოდნენ. მშვენიერი შემადგენლობა ჰყავთ, რომელთა რიგებში გამორჩეული ფელიპე ანდერსონია. მას აუცილებლად უნდა დავუთმოთ გამორჩეული ყურადღება”.

წყარო: TuttoJuve