ფეხბურთელების შეფასებები

იტალიელი ტაქტიკოსისთვის დამახასიათებელი მატჩი. სიზუსტე ყველა მოქმედებაში. ყველა ფეხბურთელმა იცოდა თუ როგორ უნდა შეეჩერებინა მეტოქის იერიშები. და მაინც რატომ აირჩია ერთი შეხედვით ასეთი სარისკო გეგმა ალეგრიმ? ალბათ იმიტომ რომ მონაკო არის გუნდი, რომელიც იცავს თავს რიცხობრივი უპირატესობით, ხოლო შეტევაში კონტრიერიშების იმედად არის. პოზიციური შეტევა ფრანგების ძლიერი მხარე ნამდვილად არარის და ამიტომაც არ გარისკა მაქსმა.. მან საკუთარ ნახევარზე დაავალა ფეხბურთელებს პრესინგი.. საჯარიმოს მისადგომებთან კი ტურინელებს ისეთი ზღუდეები ჰქონდათ აღმართული რასაც მონაკომ ვერაფერი გაუგო.. ერთადერთი ხიფათი პირველ ნახევარში ისევ კიელინიმ შეუქმნა საკუთარ გუნდს.. საბედნიეროდ ეპიზოდმა მშვიდობიანად ჩაიარა, ხოლო მეორე ტაიმში ჯორჯონეც მოეგო გონს..

ბუფონი – 6.5 – ფანტასტიური სეივები არ გაუკეთებია, მაგრამ ბერბატოვს რომ დაასწრო ბურთზე სწორედ ეს გახდა მეტოქის ზეწოლის პიკი. თითქის უწყინარი სიტუაცია კინაღამ მეკარესთან ერთი-ერთზე დარჩენით დასრულდა.. მაგრამ ისევე როგორც ლაციოსთან შეხვედრაში აქაც ყველაფერმა მშვიდობიანად ჩაიარა. ერთი სეივი, 9 გამოტანა და ორი საჰაერო ბურთი მოიპოვა.

ბარძალი – 7 – ოფიციალურად: ანდრეა კედელი ბარძალი დაბრუნდა! ყველამ ის მცველი იხილა, რომელიც ტრავმამდე გასაქანს არ აძლევდა მეტოქეს. იმედი ვიქონიოთ, რომ მას აწი ძველი ტრავმა აღარ შეახსენებს თავს.

ბონუჩო – 7 (მატჩის საუკეთესო მოთამაშე) – პარადოქსულია, მაგრამ სამ მცველიან სქემაში ბონუჩი სრულად ამჟღავნებს პოტენციალს, მაგრამ თავად გუნდი განიცდის პრესინგის გამო დისკომფორტს. სამი მცველიდან ლეო ყველაზე აქტიურია და ფაქტიურად ყველგან ჩნდება სადაც გუნდს სჭირდება.

კიელინი – 5 – მცურავი და სახიფათო. ხელით თამაშის გამო იღებს ყვითელ ბარათს და შემდგომ მსაჯი ინდობს, რომ არ აძევებს მინდვრიდან. ბერნარდო სილვა მოსვენებას არ აძლევს. საბედნიეროდ მეორე ნახევარში გამოფხიზლდა და ეტაპობრივად ხდება გაუვალი.

ლიხტშტაინერი – 5.5 – სამ მცველიან ტაქტიკაში იდეაში ფლანგზე მოთამაშე ფეხბურთელებმა ზეწოლა უნდა გაზარდონ მეტოქეზე, მაგრამ იუვეს შემთხვევაში რატომღაც ეს ასე არ ხდება. და საინტერესოა რატომ? იმის მაგივრად, რომ შვეიცარიელს სისწრაფე ჩაერთო და ფლანგი აეკლო, ძირითადათ მარჯვენა მცველის როლს არ გასცდენია..

მარკიზიო – 6 – მსხვერპლშეწირვის მატჩი. პირლოს დაბრუნებით იგი ძირითადათ შავი სამუშაოთია დაკავებული. სამწუხაროა, მაგრამ ნამდვილი რეჯისტა გუნდს დამატებით კრეატიულობას ართმევს. შედეგად დარჩა მხოლოდ ბრძოლა.

პირლო – 6.5 – კონდოგბია საკუთარ თამაშის წესებს კარნახობს და შედეგად მაესტროს რიგ ეპიზოდებში ან უფრო ღრმად უწევს თამაში ან უხეშად. თუმცა, მისი გადაცემები მაინც ჰქმნის სივრცეებს და აკარგვინებს მეტოქეს ასე საჭირო წუთებს.

ვიდალი – 5.5 – თამაშობს.. იმიტომ რომ მებრძოლია და იმიტომ რომ პირველ მატჩში სული და გული იყო გუნდის. თუმცა, ტონზილიტმა დაღი დაასვა მის შესაძლებლობებს. სამწუხაროდ ხშირად თმობდა პოზიციებს.

ევრა – 5.5 – მთელი პირველი ნახევრის მანძილზე იუვესთვის მარცხენა ფლანგი ყველაზე პრობლემატურ პოზიციად რჩებოდა. საინტერესოა, მაგრამ ჟარდიმმა მეორე ნახევარში ფაბინიო – ბერნანდოს წყვილიდან უკანასკნელს ფლანგიდან ცენტრში შეწევა დაავალა და შედეგად ტურინელთა დუეტმა კიელინი – ევრამ ოდნავ ამოისუნთქეს.

ტევესი – 5 (ყველაზე სუსტი) – ეს უფრო კარლინო იყო ვიდრე კარლიტოსი. საინტერესოა სად გაქრა იგი ამ საღამოს? რადგან მინდორზე აშკარად მისი უნიჭო დუბლიორი იმყოფებოდა.

მორატა – 5 – ასევე ძალიან სუსტია ან შესაძლოა გარკვირვებული დარჩა ტევესის ასპარეზობით. სხვათაშორის მოედნიდან გასვლის შემდეგ მორატამ თავი საკმაოდ ცუდად იგრძნო და გული აერია.. იგივე რამ ალეგრიმ წინასამატჩო პრესსკონფერენციაზეც განაცხადა .. მისი თქმით ტევესი ინფექციის გამო ორი დღე იტანჯებოდა..

ალეგრი – 6 – და რატომ სამი მცველი? ტაქტიკა რომელიც მუშაობს იტალიაში, მაგრამ არა ევროპაში? მის გამო გუნდი იკეტება საკუთარ ნახევარზე და მოქმედებს ნეგატიურად შეტევაში. ერთდერთი ნათელი მხარე იყო ბონუჩის და პირლოს ასპარეზობა. ეს არის თემა, რომელიც ფართო მასებშია განსახილველი.

წყარო: La Gazzetta dello Sport