ბუფონი :” 12 წლის შემდეგ მიღწეული წარმატება”

მძიმე მატჩი გამოდგა და პრინციპში ეს ბუნებრივია, რადგან ტურინელებს ჩემპიონთა ლიგის 1/2 ფინალი 2003 წლის შემდეგ არ ღირსებიათ სხვადასხვა მიზეზის გამო. ბუფონი სწორედ ამაზე საუბრობდა ჟურნალისტებთან მატჩის დასრულების შემდეგ. ფეხბურთელები ასრულებდნენ მწვრთნელის მითითებებს, თუმცა მათ თამაშში სწორედ ზემოთხსენებული დაძაბულობა იგრძნობოდა..

“რაც არ უნდა პარადოქსულად ჟღერდეს 12 წლის უკან ვფიქრობდი, რომ მალევე მოვახერხებდი ნახევარფინალში გასვლას, თუმცა ყველაფერი ისე არ განვითარდა როგორც ვგეგმავდი.. დღევანდელი მიზნის მისაღწევად გრძელი გზის გავლა მომიწია, მაგრამ უსაზღვროდ ბედნიერი ვარ მოპოვებული შედეგით”.

“ნებისმიერ ფასად გვსურდა ნახევარფინალში გასვლა, რადგან იუვენტუსი უკვე დიდი ხანია ამ სტადიაზე არ ყოფილა. ჩვენ კი ახალი ფურცლის ჩაწერა გვსურს მის ისტორიაში. გერმანული მატჩისგან განსხვავებით ფრანგების წინააღმდეგ ასპარეზობა მეტად დაძაბული აღმოჩნდა. მეტოქე კარგად იყო მომზადებული ტაქტიკურად და ფიზიკურად. ბევრი რამ იდო სასწორზე და ელემენტარული შეცდომა შესაძლოა ძვირად დაგვჯდომოდა. ამიტომაც იყო, რომ არ მივდიოდით დიდ რისკზე. დაძაბულმა ატმოსფერომ ფეხბურთის ხარისხზეც იქონია ზეგავლენა”.

ტურინელები 2003 წლის შემდეგ პირველად იასპარეზებენ ჩემპიონთა ლიგის 1/2 ფინალში, სადაც მათ გარდა ასევე მოხვდნენ მადრიდის რეალი, მიუნჰენის ბაიერნი და კატალონიური ბარსელონა.

მატჩის დასრულებისთანავე უამრავმა ჟურნალისტმა მოიყარა თავი მასიმილიანო ალეგრი-ს ირგვლივ და იგიც ეტაპობრივად სცემდა პასუხებს მათ კითხვებს. თავდაპირველად მწვრთნელმა საუბარი იმ ტაქტიკურ მონახაზზე ისაუბრა, რომელიც მონაკოს წინააღმდეგ აირჩია. მისი სიტყვებით ეს დიდწილად განპირობებული იყო რამდენიმე წამყვანი ფეხბურთელის ცუდი ფიზიკური კონდიციებიდან :“უკანასკნელი ორი დღის მანძილზე ტევესი საშინლად გრძნობდა თავს, მაშინ როცა ვიდალი მაღალი ტემპერატურით ვარჯიშობდა, ხოლო პირლო ეს-ესაა რაც სრულფასოვნად დაუბრუნდა გუნდს. ამიტომაც მატჩის წინ არჩვევანი სხვა ტაქტიკურ მოდულზე და გეგმაზე გავაკეთე. მესმის, რომ საფეხბურთო კუთხით თამაში იდეალურისგან ძალზედ შორის იდგა, მაგრამ უპირატესობა კონკრეტული შედეგის მიღწევას მივანიჭე. მეტოქეს ფაქტობრივად არ მივეცით რეალური შანსი, ხოლო თავად პირველ 45 წუთში გვქონდა 1-2 ეპიზოდი, რომლიდანაც მაქსიმუმი უნდა ამოგვეღო”..

“ნამდვილად ბედნიერი ვარ ჩემი შეგირდების გამო, რადგან მათ ეს მართლაც დაიმსახურეს! ჩემპიონთა ლიგაზე მიმდინარე სეზონში ორი მარცხი ვიწვნიეთ ერთნაირი შედეგით 1-0 და არცერთ მათგანში არ ვიმსახურებდით დამარცხებას. 1/2 ფინალისტები? დღეისათვის ყველაზე ძლიერი კლუბები არიან თავმოყრილნი.

მონაკოს მატჩისგან განსხვავებით, ფაქტია რომ ჩემი შეგირდები რადიკალურად განსხვავებულ სტილში იასპარეზებენ ნახევარფინალში. განურჩევლად იმისა თუ ვინ იქნება ჩვენი მეტოქე. საერთოდაც, წილისყრა უბრალო ფორმალობაა რადგან იგი ნამდვილად ტოპ დონის იქნება.

გადმოვიბირე თუ არა კონტეს ფანები? ამაზე მე ვერაფერს გიპასუხებთ, უბრალოდ დავძენ რომ რთულია შეეგუო წყნარად იმ ფაქტს, რომ ერთ დღეს შენს უსაყვარლეს კლუბს ტოვებს მწვრთნელი, რომელმაც ზედიზედ სამი სკუდეტო მოიგო. ამიტომ მშვენივერად მესმოდა ტიფოზერიის. საერთოდაც მილანიდან იუვეში ცოტა მწვრთნელი თუ გადასულა სამუშაოდ. ნამდვილად მწამს ჩემი შეგირდების და ვიცი, რომ მათ უფრო შეუძლიათ. გუნდმა აუცილებლად უნდა განაგრძოს პროგრესირება. დღეისათვის ჩემპიონთა ლიგის ნახევარფინალში, იტალიის თასის ფინალში და სკუდეტოსთან ერთ ნაბიჯში ვიმყოფებით, რაც უსაზღვროდ ბედნიერს მხდის ჯერჯერობით”.