რომულო დაუბრუნდა გუნდს

ეტაპობრივად იუვეს ლაზარეთი დაცარიელებისკენ მიდის. გუნდს საწვრთნელ ბაზაზე რომულოც შეუერთდა. ფეხბურთელი ვერონას საკუთრებაა, რომელიც არენდის წესით ასპარეზობს ტურინულ გრანდში, თუმცა საერთო ჯამში შავ-თეთრი მაისურით მხოლოდ 97 წუთი დაჰყო მინდორზე. ბოლოს იგი პარმასთან შეხვედრაში გამოჩნდა, რომელიც იუვენტუსმა 7-0 მოიგო. კონტრაქტში დევს პუნქტი, რომლის თანახმადაც ტურინელებს შეუძლიათ მისი გამოსყიდვა, ოღონდ ამას აუცილებელის ხასიათი არ გააჩნია. რომულოს რომ მატჩების 60% ჩაეტარებინა მაშინ მაროტას აუცილებლად მოუწევდა მისი გამოსყიდვა. მიუხედავად ამისა, რომულოს აგენტი არ კარგავს იმედს, რომ გუნდები მაინც მიაღწევენ შეთანხმებას. იუვეს იტალო/ბრაზიელის გამოსყიდვა 6 მილიონ ევროდ შეუძლია.

წყარო: Football italia