გილოცავთ !!!

ჩემპიონატის სტარტიდან მოყოლებული ბიანკონერის არავისთვის დაუთმია ლიდერობა. საერთოდაც გასულ სეზონებს რომ გადავავლოთ თვალი კონტეს მოსვლის პირველი სეზონი იყო მეტ ნაკლებად პრობლემატური.. ხოლო მას შემდეგ რაც მილანსაც გადავსწარით პირველი პოზიცია აგერ 2015 წელშიც არავისთვის დაგვითმია! 33-ე სკუდეტო! ზედიზედ მეოთხე მოპოვებული ჩემპიონობა! იტალიის საუკეთესო კლუბი საოცარ ფორმაშია! სულ რამდენიმე დღეში კი ჩემპიონთა ლიგის ნახევარფინალი გველის მრისხარე მადრიდის რეალთან..

როცა კი დაგვჭირდა, როცა კი ამას სიტუაცია მოითხოვდა.. როცა კი იზრდებოდა წნეხი ჩვენს გუნდზე და ფეხბურთელებზე.. თითქოს აი ეხლა უნდა დაგვცდენოდა ფეხი.. ფეხბურთელები ფორმიდან იყვნენ ამოვარდნილი.. მწვრთნელი იღებს პრინციპულ გადაწყვეტილებას და ახდენს 3-5-2 იდან 4-3-1-2 ფორმაციაზე გადასვლას.. და რა ხდება? ხდება ის რომ ჩემპიონობას ვიფორმებთ ვადამდე ადრე! ალეგრი და მისი გაწვრთნილი გუნდი ქვას ქვაზე არ ტოვებდნენ მეტოქეებისგან. უპირობო ლიდერი, თავდაჯერებული, ელეგანტური, ცივ სისხლიანი.. მაღალი კლასი, საოცარი მოძრაობები, გოლები.. ბრძოლა ბოლო წამამდე, თითოეული მილიმეტრისთვის..

ეს არის “იუვენტუსი” და თქვენ კი დიადი გუნდის გულშემატკივრები ხართ! ჩვენ ვამაყობთ მათი, ხოლო ისინი ამაყობენ ჩვენით! რადგან გამორჩეული გუნდი არაფერია გამორჩეული გულშემატკივრის გარეშე და თქვენ, ნამდვილად ხართ გამორჩეულნი! გილოცავთ !!! Fino Alla Fine !!!