ალეგრის წინასამატჩო პრესსკონფერენცია

“ბერლინში ფანტასტიური კლუბი დაგვიპირისპირდება, თუმცა დაუმარცხებელი არავინ არის და გვაქვს შანსი ტიტული შინ წავიღოთ.ადვილი არ იქნება, მაგრამ ჩემპიონთა ლიგის ფინალი რომელი იყო ადვილი? მინდორზე ყოველგვარი ნერვიულობის და სტრესის გარეშე უნდა გავიდეთ. ფინალი 6 ივნისს გაიმართება და არ შეიძლება ნაადრევად ფიქრი და ნერვიულობა”.

“მოტივაციას ზრდის ის ფაქტი რომ ჩვენ “იუვენტუსი” ვართ. და როდესაც ჩემს განკარგულებაში უკვე ფაქტიურად მთელი გუნდია შემიძლია სათამაშო დრო ყველაზე გადავანაწილო. ასამოა უკვე მზად არის და მასაც დასჭირდება მცირე პრაქტიკა, მიუხედავად იმისა რომ ჩემპიონთა ლიგის განაცხადში აფრიკელი არ არის შეყვანილი. იგივე ეხება რომულოსაც. არიან ჩვენს გუნდში ფეხბურთელები რომელთაც საკმაო დრო გაუცდათ და ამისთვის შევეცდებით მათ დარჩენილ მატჩებში შესაფერისი დრო მივცეთ. საგულისხმოა ის ფაქტიც, რომ დარჩენილ დაპირისპირებებს ფორმის შესანარჩუნებლად გამოვიყენებთ. სწორედ ეს არის მნიშვნელოვანი ფინალების წინ”.

“ვფიქრობ, კლუბის მიზნები ყოველთვის ნათელი იყო. სკუდეტო იყო უმთავრესი და მისი ზედიზედ მეოთხედ მოგება უბრალოდ ფანტასტიური. საბედნიეროდ ეს საკითხი უკვე დახურული გვაქვს წარმატებით. ჩემპიონთა ლიგაზე პროგრამა მინიმუმი ქვე ჯგუფიდან გასვლა გვქონდა, ხოლო მაქსიმუმი რვა საუკეთესო კლუბს შორის მოხვედრა. ორივე პროექტი დაძლეულია და ჩვენ ბერლინში გველის ფინალი. რაც შეეხება იტალიის თასს არავინ უნდა დაგვძრახოს რომ ეს მეორე ადგილოსანი მიზანი იყო. ჩემპიონთა ლიგა არის ოცნება, ხოლო იტალიის თასი ტკბილი სიზმარი. ამ წამისთვის სწორედ მისი მოპოვებაა მთავარი, ხოლო მესამე ნომრად ლიგა გვაქვს. ამისი მიზეზი კი არის კალენდარი, რომლის მიხედვითაც ჯერ ლაციოსთან მატჩის გველის, ხოლო სეზონის უკანასკნელი შეხვედრა ბარსასთან”.

“დიბალა? არ ვაპირებ იმ ფეხბურთელებზე საუბარს, რომლებიც არ იმყოფებიან ჩემს განკარგულებაში”.

“ბუფონი? ჩემპიონი! ნამდვილი ჩემპიონი, რომელიც უკვე 20 წელია უმაღლეს დონეზე ასპარეზობს. სპორტულ ასპექტებთან ერთად იგი გამორჩეული ადამიანური თვისებებით არის დაჯილდოებული. ბუნებრივია ასაკიდან გამომდინარე ჯიჯის კარგად ესმის, რომ კარიერა იწურება. ამიტომაც სურს თავის მეექვსე მსოფლიო ჩემპიონატზე მონაწილეობის მიღება და მე მთელი გულით ვგულშემატკივრობ მას. იშვიათად საერთოდ, რომ მეკარეებზე ვისაუბრო, მაგრამ ბუფონი გამონაკლისია”.

“პრიმერაში ყველაფერი დასრულებულია. ბარსელონა არ დათმობს ორივე მატჩს და შედეგად რაიმე კონკურენციაზე საუბარი ზედმეტია. მათი თასის ფინალი 30 მაისს გაიმართება? ვეჭვობ იგი იუვეს არანაირ უპირატესობას არ მისცემს. საერთოდაც, ჩემპიონთა ლიგის ფინალში რაიმე უპირატესობაზე საუბარი სისულელეა”.