იტალიის თასის ფინალი: “იუვენტუსი” – “ლაციო” (წინასამატჩო)

ხვალ, ტურინელები იტალიის თასის მოგებას შეეცდებიან, რომელიც უკვე დიდი ხანია აღარ მოუპოვებია კლუბს. თუ გავითვალისწინებთ იმას თუ როგორი სერიოზულობით ეკიდება თითოეულ ტურნირს მასიმილიანო ალეგრი უნდა ვივარაუდოთ, რომ ლაციალეს წინააღმდეგ ის სასტარტო შემადგენლობით და გამარჯვების დიდი წყვურვილით წარსდგება. ამასთან ერთად სეზონის ეს ნაწილი აუცილებლად უნდა გამოიყენოს კლუბმა ჩემპიონთა ლიგის ფინალისთვის და ბარსასთან დაპირისპირებას საუკეთესო კონდიციებში შეხვდეს. რომაელებთან მატჩს ბიანკონერის მხრიდან სამწუხაროდ კლაუდიო მარკიზიო და ალვარო მორატა დააკლდებიან, რომლებიც დისკვალიფიკაციის გამო ტოვებენ შეხვედრას. რაც შეეხებათ ტრავმირებულებს მარტინ კასერეს ინტერთან შეხვედრაში რომულოც შეემატა. იტალო/ბრაზილიელს მარცხენა მუხლზე შეექმნა პრობლემა და მისთვის სეზონი დასრულებულია. ნამდვილად უიღბლო გამოდგა ამ არცთუ ურიგო მოთამაშისთვის მიმდინარე კალენდარული ციკლი.. მას შემდეგ რაც იგი მაროტამ არენდით შეიძინა ვერონადან რომულო ძირითადათ ტრავმებს ებრძვის და არა მეტოქეს მინდორზე..

და მაინც.. რას გეგმავს ალეგრი სტეფანო პიოლის გუნდის წინააღმდეგ? ჟურნალისტების მოსაზრებით სწორედ ეს შეხვედრა გახდება გენერალური რეპეტიცია ბერლინამდე.. კარს სავარაუდოდ მარკო სტორარი დაიცავს, რომელმაც ეს ნამდვილად დაიმსახურა თუ გავიხსენებთ მის უკანასკნელ საიმედო ასპარეზობას ინტერის წინააღმდეგ. რომულოს ტრავმამ კი ლიხტშტაინერს ფაქტობრივად მთელი სეზონის მანძილზე არ მისცა ამოსუნთქვის საშუალება.. ყველაფერთან ერთად კასერესის ტრავმაც ერთვის თან.. შესაბამისად ფლანგებზე ლიხტშტაინერი და ევრა განლაგდებიან, რომელიც ასევე ასამოას გამოა იძულებული ფაქტიურად თითოეულ მატჩში მიიღოს მონაწილეობა.. თუმცა, სათადარიგოთა სკამზე ალეგრის დე ჩელიე ჰყავს და უნივერსალი პადოინი..

დაცვის ცენტრში ბონუჩი-კიელინის დუეტია უპირატესი, ვიდრე რომელიმეს ნაცვლად ბარძალის მინდორზე გამოსვლა. საქმე იმაშია, რომ ანდრეასადმი ნდობას არავის დაუკარგავს. უბრალოდ ბარძალის სეზონის საკმაოდ დიდი ნაწილი გაუცდა და ასეთ დროს როცა წინ ბერლინის ფინალია, ხოლო გუნდი 4-3-1-2-ს უფრო და უფრო ხშირად იყენებს დაცვის მთავარი დუეტიდან ერთ-ერთის დასვენება არ არის მიზანშეწონილი.

ნახევარდაცვაში სიურპრიზებს არც აქამდე ვხედავდით და არც ფინალში ვიხილავთ. თუ რომელიმე ამ ოთხეულიდან:პოგბა, პირლო, მარკიზიო, ვიდალი – არ იყო მზად მას პერეირა ცვლიდა. შესაბამისად მარკიზიოს არ ყოფნის გამო, რომელიც როგორც უკვე აღინიშნა მატჩს დისკვალიფიკაციის გამო ტოვებს, ტრეკუარტისტას პოზიციას ახალგაზრდა არგენტინელი ჩაიბარებს.

თავდასხმაში ერთადერთი ცვლილება ალვარო მორატას ეხება. ისევე როგორც კლაუდიოს მასაც დისკვალიფიკაცია აქვს და მატჩს ტრიბუნებიდან თუ უყურებს.. კარგ ფიზიკურ კონდიციებში მყოფი ფორვარდის არ ყოფნა ბუნებრივია არასახარბიელო მდგომარეობაში აგდებს მაქს, მაგრამ იგი მორიგ შანსს მისცემს ფერნანდო ლორენტეს, რომელიც უნდა აღინიშნოს სეზონის სტარტისგან განსხვავებით ეხლა ბევრად უკეთ გამოიყურება და ეცდება თავის გამოჩენას და გუნდისთვის სარგებლის მოტანას.

იუვეს იტალიის თასი 9-ჯერ აქვს მოპოვებული და იმედი ვიქონიოთ ხანგრძლივი პაუზის შემდეგ მოვახერხებთ მის მოპოვებას და ციფრის “დამრგვალებას”..