ბუფონი: “არ ვაპირებთ უკანდახევას”

“იუვენტუსის” ლიდერმა და კაპიტანმა ჯიჯი ბუფონმა კომენტარი გააკეთა ჟურნალისტებთან საუბარში როგორც გუშინდელ მატჩზე, ისე 6 ივნისის ფინალურ შეხვედრაზეც: “ახლა დავტკბებით დამსახურებული სამდღიანი შესვენებით და სტრესული პერიოდის დამთავრებით, რომელიც იტალიის თასის ფინალსაც მოიცავდა. აი, შემდეგ კი უკვე დაველოდებით წლის მატჩს, უფრო სწორად 12 წლის მატჩს. თუმცა ახლა ვზეიმობთ ჩვენს წარმატებას და გვინდა ეს ერთმანეთს გავუზიაროთ.

ამ მატჩში ჩვენ ჩეული თავდაჯერებულობით გამოვედით, კარგად მომზადებულები; კარგად ვითამაშეთ, თუმცა არა ჩვენი შესაძლებლობების ზღვარზე. როცა კარგად მიდის ყველაფერი და გაქვს თავდაჯერებულობის შეგრძნება და იმის განცდა, რომ დიდი გუნდი ხარ, მაშინ ძირითადი მოთამაშეების არარსებობა მინდორზე არც იგრძნობა.

თუმცა ორი კვირა საკმაო დროა და შეიძლება ბევრი რამე შეიცვალოს – ფიზიკური თვალსაზრისითაც და ფსიქოლოგიური კუთხითაც. ჩვენ პოზიტიურად ვართ განწყობილები, და “ბარსელონასაც” ყველანაირი საფუძველი აქვს თავდაჯერებულობის. ეს იქნება ურთულესი თამაში უძლიერესი გუნდის წინააღმდეგ, თუმცა ჩვენც გვაქვს საშუალებები, თანაბარ დონეზე ვეთამაშოთ მათ და თავს მოვახვიოთ ჩვენი თამაში. აშკარაა, რომ თუ მოწინააღმდეგის ფეხბურთელები მთელი 100%-ით იქნებიან ფორმაში, ძალიან რთული იქნება მათთან თამაში, მაგრამ ეს ფინალია და ჩვენ ჩვენის მხრივ არ ვაპირებთ უკანდახევას და დათმობას.

როდესაც 14 დღეა თამაშამდე დარჩენილი, მოწინააღმდეგის ნაკლებად გეშინია. თანდათან მოდის მატჩის დღეც და აზრებიც იცვლება. მაგრამ ჩვენ ეს არ გვანერვიულებს. ჩვენ ვიცით, რომ არაჩვეულებრივი გუნდი ვართ, მიუხედავად იმისა, რომ ვხდებით გუნდს, რომელიც ძალით აღგვემატება. ცალკე აღებულ ერთ თამაშში ყოველთვის უძლიერესი არ იმარჯვებს და იმედი გვაქვს, ცალკეულ ეპიზოდებში ჩვენსკენ იქნება უპირატესობა.

ოქროს ბურთის შანსი ფინალის მოგების შემთხვევაში? სასიამოვნო იყო ჩემთვის მისტერის სიტყვები. ერთს გეტყვით: მისი მოგების შემთხვევაში ეს იქნება პრემია არა ჩემი კარიერისთვის, არამედ ამ შესანიშნავი სეზობისთვის.”

წყარო: ტურინის “იუვენტუსის” ოფიციალური გვერდი