ალეგრი:”ვეცდებით გავიმეოროთ აძურის შედეგი”

მასიმილიანო ალეგრის იმედი აქვს, რომ მისი გუნდი გაიმეორებს სკუადრა აძურის 2006 წლის მიღწევას და შესძლებს ბერლინში გამარჯვების მოპოვებას:“ეს არის ფინალი, რაც ვფიქრობ იდეალურია, რადგან შედგება ერთი კონკრეტული შეხვედრისგან. იმედი გვაქვს, რომ გავიმეორებთ 2006 წლის მიღწევას. 6 ივნისის მატჩისთვის უფრო ადვილია მომზადება ვიდრე იყო იტალიის თასის ფინალის შემთხვევაში. წლევანდელი სეზონი იტალიური ფეხბურთის ისტორიაში უდაოდ შევა, მაგრამ საქმე ამით არ დასრულებულა. იუვე ლიგის ფინალშია, ხოლო ფიორემ და ნაპოლიმ ევროპა ლიგის 1/2 ფინალში იასპარეზეს. ნაციონალურ გუნდსაც საქმეები კარგად მისდის. შედეგად ის რაც გავაკეთეთ შიდა ასპარეზზე არ უნდა ჩამოიწეროს. მიუხედავად ამისა, ინფრასტრუქტურული კუთხით აუცილებლად უნდა გავაგრძელოთ მუშაობა. სერია ა არაფრით ჩამოუვარდება სხვა ჩემპიონატებს, უბრალოდ ის განსხვავებულია და მეტი არაფერი”.

“ყოველთვის ვგრძნობდი, რომ შემეძლო უფრო მაღალ საფეხურზე მუშაობა. საერთოდაც მილანის შემდეგ ბევრი რამ შეიცვალა ჩემში. ბედნიერი ვარ იუვეს გაწვრთნით და ვტკბები ამ დაუვიწყარი წუთებით. შემდეგ სეზონში შევეცდებით ზედიზედ მეხუთე სკუდეტოს მოპოვებას, სწორედ ეს იქნება მთავარი მიზანი. რაც შეეხება თავდაპირველ ცივ მიღებას, ეს ბუნებრივი რეაქცია იყო. თუმცა, კლუბმა ნდობა გამომიცხადა, ხოლო ჩემს განკარგულებაში დიდებული ფეხბურთელები, ბრწყინვალე პიროვნებები იყვნენ, რომელთა უმეტესობაც საკუთარი ქვეყნის ღირსებას იცავენ. კონტესთან მსგავსება? ფეხბურთში მართალია ის ვინც იმარჯვებს. ამიტომ ჩვენ შორის არავინაა საუკეთესო, უბრალოდ განსხვავებულნი ვართ. თუმცა, ორივემ გავიმარჯვეთ იუვენტუსსთან ერთად”.

წყარო: Football-Italia