ძაძა:”სეზონის ბოლოს ვისაუბრებთ ტრანსფერზე”

იტალიური პრესის აქტიური მტკიცებით პაულო დიბალას და სემი ხედირას შემდეგ ტურინელები სიმონე ძაძას გაიფორმებენ. ჯუზეპე მაროტას იტალიელი ფორვარდის გადმობირება ჯერ კიდევ იანვრის სატრანფერო ფანჯრის პერიოდში სურდა, თუმცა მაშინ გარიგება სასუოლომ დაბლოკა. ეხლა კი ბიანკონერის კონტრაქტის საფუძველზე აქვს უფლება სრულად გამოისყიდოს ახალგაზრდა იმედისმომცემი თავდამსხმელის ხელშეკრულება..

“მოლაპარაკებები გაიმართება, მხოლოდ მაშინ როდესაც დასრულდება ჩემპიონატი. იქამდე კი რაიმე დეტალებზე საუბარი უადგილოა. იმის გათვითცნობიერება, რომ ერთ დღეს აქაურობის დატოვება მომიწევს, სევდიანს მხდის”.

თქვენი აგენტის განცხადებით ტურინში ტრანსფერი 90%-ით არის გადაწყვეტილი..

“პროცენტებზე ნამდვილად ვერ ვისაუბრებ, რადგან ეს არ არის ჩემი საქმე. იუვეს მხრიდან დაინტერესების შესახებ ნამდვილად ვიცი.. მათ დიდი ხნის წინ სურდათ ჩემი გადაბირება და შესაძლოა შეთანხმება ივნისში შედგეს. აქამდეც ვიძახდი და ეხლაც ვიტყვი, თუ რომელიმე კლუბი რეალურ და მიმზიდველ გეგმას არ შემომთავაზებს არ ვაპირებ აქაურობის დატოვებას. სასულოში თავს ისე ვგრძნობ, როგორც საკუთარ ოჯახში. ასეთი სიყვარული სხვაგან არასოდეს გამომიცდია”.

ნანობთ, რომ ტურინს იანვარშივე არ მიაშურეთ? ეხლა გექნებოდათ შანსი ჩემპიონთა ლიგის ფინალში გეთამაშათ..

“არანაირი სინანულის გრძნობა არ გამაჩნია. ჩემი სურვილი სასუოლოში დარჩენა იყო”.

გაშინებთ დიბალას ტრანსფერი?

“არ განვეკუთვნები იმ ადამიანთა რიცხვს, რომლებსაც კონკურენციის ეშინიათ. კარგად მომეხსენება თუ რაოდენ ძლიერი ფორვარდები ჰყავს გუნდში იუვენტუსს. თუმცა, მწამს საკუთარი შესაძლებლობების და ეს არის უმთავრესი. კონკურენტია დამატებით მოტივირებას მიკეთებს”.

რას ფიქრობთ დიბალაზე?

“გასულ სეზონშივე ვამბობდი, რომ სერია ა-ში ეს იყო ფორვარდი, რომლის გვერდითაც თამაში ნებისმიერს მოესურვებოდა. ჩვენ განსხვავებული მახასიათებლები გვაქვს, ხოლო თავად ტრანსფერი უდაოდ წარმატებულია”.

წყარო: tuttosport.com