სატრანსფერო ჭორები და სიახლეები

ტურინის “იუვენტუსის” სატრანსფერო პოლიტიკასთან დაკავშირებით სკაი სპორტი საინტერესო ინფორმაციას ავრცელებს.სამი ხედირასა და პაულო დიბალასთან შეთანხმების შემდეგ, ჯუზეპე მაროტამ ბრაზილიელი მეკარე, ნეტოც დაიბევა და 25 წლის ფეხბურთელის შემდეგი კლუბი სწორედ ბებერი ქალბატონი იქნება.ნეტომ იებთან კონტრაქტის გახანგრძლივებაზე უარი განაცხადა და ბიანკონერებს ყოველგვარი თანხის გადახდის გარეშე, უსასყიდლოდ შეუერთდება.ასევე ვრცელდება სიახლე მარკო სტორარისთან ხელშეკრულების კიდევ ერთი წლით გახანგრძლივებაზე, მაროტას 38 წლის მეკარესთან მოლაპარაკებები უკვე გამართული აქვს და სულ მალე, ვეტერანი თავის მომავალს კვლავ დაუკავშირებს შავ-თეთრებს.რაც შეეხება კარლოს ტევესს, დიდი ალბათობით იგი ტურინში 2017 წლამდე დარჩება, თუმცა ესპანური პრესის მტკიცებით, არგენტინელის მიმართ ინტერესს მადრიდის “ატლეტიკო” იჩენს და ფორვარდის ხელში ჩასაგდებად ჩემპიონთა ლიგის შარშანდელი ფინალისტები ყველაფერს გააკეთებენ.

ახლა რაც შეეხება სიმონე ძაძასა და დომენიკო ბერარდის – “სასოულოში” განათხოვრებული ფეხბურთელებით მასიმილიანო ალეგრი ძალიან კმაყოფილია და აპირებს, ორივე მათგანი დააბრუნოს ტურინში.აწ უკვე დასრულებულ სეზონში ეუსებიო დი ფრანჩესკოს შეგირდებმა სერიოზული პროგრესი განიცადეს და გასაკვირი არ იქნება, თუ ისინი 2015/16 წლების სეზონს შავ-თეთრი მაისურით დაიწყებენ.

ძაძას გუნდში მოსვლას სავარაუდოდ შეეწირება ფერნანდო ლიორენტე, რომელსაც წლევანდელი სეზონი ისევე შედეგიანი არ გამოუვიდა, როგორიც შარშანდელი.29 წლის ესპანელის მიმართ ინტერესს რამდენიმე პრიმერა დივიზიონის გუნდი იჩენს და არაა გასაკვირი, ლიორენტემ კარიერა სწორედ რომელიმე მათგანში გააგრძელოს.ბიანკონერების წინახაზი მომავალ სეზონში სავარაუდოდ ასეთი იქნება : მორატა, ძაძა, ბერარდი, დიბალა და ტევესი.

წყარო : Tuttojuve