დიბალა: ” 40 მილიონი? ყველას ვაჩვენებ, რა შემიძლია “

პაოლო დიბალა “იუვენტუსის” ახალი შენაძენია, არგენტინელზე დიდ იმედებს ამყარებენ და მაურისიო ძამპარინიმაც 40 მილიონად ამიტომ დააფასა. შეგახსენებთ, “ბიანკონერებმა” მასში 32 მილიონი ევრო გადაიხადეს 8 მილიონი ევროს შესაძლო ბონუსების გათვალისწინებით. ამხელა თანხა “იუვენტუსის” მესვეურებს 2001 წელს ბუფონის ტრანსფერის შემდეგ არ გადაუხდიათ. ასეა თუ ისე, ახალგაზრდა თავდამსხმელი სატრანსფერო დეტალებზე არ ფიქრობს და მხოლოდ ფეხბურთზეა კონცენტრირებული: ” ამაზე არ ვფიქრობ, მინდა მაქსიმალურად დიდი სიამოვნება მივიღო ამ მომენტისაგან. ჩემი ოცნება იყო იტალიაში წარმატებისთვის მიმეღწიე და მივაღწიე კიდეც. რა თქმა უნდა, ეს მხოლოდ დასაწყისია, მინდა ბევრად უფრო ვპროგრესირდე და ყველას ვაჩვენო, რისი გაკეთება შემიძლია. ” -აცხადებს დიბალა.

წყარო: football italia