სატრანსფერო ჭორები ( რუგანი, საპონარა )

იტალიური “ნაპოლის” ახალ მთავარ მწვრთნელს, მაურისიო სარის დანიელე რუგანის გადაბირება სურს.ნეაპოლელთა დამრიგებელი ყოფილი შეგირდის თამაშით კმაყოფილია და მისი აზრით, დაცვის ხაზის გასაძლიერებლად ახალგაზრდა ფეხბურთელი საუკეთესო ვარიანტია.20 წლის მცველის მიმართ ინტერესს ლონდონის “არსენალიც” იჩენს, თუმცა აქ მთავარი ჯუზეპე მაროტას პოზიციაა.შეგახსენებთ, რომ რუგანის უფლებათა პაკეტს ტურინის “იუვენტუსი” ფლობს და ბებერი ქალბატონი არ აპირებს, პერსპექტიული იტალიელი სხვა რომელიმე კონკურენტს დაუთმოს, დიდი ალბათობით, მასიმილიანო ალეგრი რუგანის ამ სატრანსფერო ფანჯრის პერიოდში დაიბრუნებს და მომავალ სეზონში შანსს მისცემს.ასევე ვრცელდება ინფორმაცია, რომ “იუვე” “ემპოლის” ნახევარმცველით, რიკარდო საპონარათი დაინტერესდა.23 წლის იტალიელმა სეზონის მეორე ნახევარი შესანიშნავად ჩაატარა და გასაკვირი არაა, რომ იგი ტურინელების ინტერესთა სფეროში მოექცა.ჯერ-ჯერობით უცნობია, როდის აპირებენ შავ-თეთრები აძურებთან მოლაპარაკებების წამოწყებას.

წყარო : Tuttojuve